பிரான்சில் வங்கிக் கணக்கொன்றைத் திறத்தல்

பிரான்சில் வங்கிக் கணக்கைத் திறக்க, தேவையான ஆவணங்களைக் கொண்ட ஒரு கோப்பை நீங்கள் முதலில் தயாரிக்க வேண்டும்:

• உங்கள் அடையாள அட்டை அல்லது கடவுச்சீட்டு போன்ற அடையாள ஆவணம்
• மூன்று மாதங்களுக்குக் குறையாத வாடகைப் பற்றுச்சீட்டு, எரிவாயு அல்லது மின்சாரக் கட்டணம் அல்லது நீங்கள் தங்கியிருக்கும் நபரின் “attestation d’hébergement” போன்ற உங்கள் முகவரியை நிரூபிக்கும் ஆவணம் வதிவிடச் சான்று அல்லது “justificatif de domicile” என அறியப்படும்.

Nickel account போன்று, “bureaux de tabac” எனப்படும் சிகரெட் கடையில் வங்கிக் கணக்கைத் திறக்கலாம்.

கணக்கைத் திறக்கும்போது ஒரு தொகையை நீங்கள் செலுத்த வேண்டும், பொதுவாக வருடத்திற்கு 20 யூரோக்கள் ஆகும்.

“Relevé d’identité bancaire (RIB)” எனப்படும் வங்கி அடையாள ஆவணம், வங்கிக் கணக்கு, வங்கி அட்டை ஆகியவற்றை நீங்கள் சில நிமிடங்களில் பெறுவீர்கள்.

நீங்கள் பல வங்கிகளைத் தொடர்புகொண்டு அவை என்ன சேவைகளை வழங்குகின்றன என்பதைக் கண்டறிந்து அவற்றின் கட்டணங்களை ஒப்பிட்டுப் பார்க்கலாம்

உங்கள் வங்கியைத் தேர்ந்தெடுத்ததும், உங்கள் பெயரில் கணக்கைத் தொடங்க இரண்டு வழிகளில் விண்ணப்பிக்கலாம்:

• ஒரு வங்கிக் கிளையில், ஆலோசகர் ஒருவருடன் சந்திப்பை மேற்கொள்வதன் மூலம். உங்கள் சந்திப்பிற்கு உங்களின் அனைத்து ஆவணங்களையும் கொண்டு வர ஞாபகம் வைத்துக்கொள்ளுங்கள்
• நிகழ்நிலையில், வங்கியின் இணையதளத்தில் உள்ள வழிமுறைகளைப் பின்பற்றி, கோரப்பட்ட ஆவணங்களைப் பதிவேற்றுவதன் மூலம்.

உங்கள் பெயரில் கணக்குத் தொடங்க வங்கி ஒப்புக்கொண்டால்:

• “convention”அல்லது ஒப்பந்தம் எனப்படும் கணக்குத் திறப்பதை உறுதிப்படுத்த கையொப்பமிட வேண்டிய ஆவணத்தை அவர்கள் உங்களுக்கு வழங்குவார்கள் அல்லது அனுப்புவார்கள்.
• உங்கள் வங்கிக்கு மூடல் கோரிக்கையை அஞ்சல் மூலம் அனுப்புவதனால் நீங்கள் விரும்பும் போது இந்த வங்கிக் கணக்கை மூடலாம்.

வங்கி உங்கள் பெயரில் கணக்கைத் திறக்க மறுத்தால்:

• உங்கள் விண்ணப்பத்தை அவர்கள் நிராகரித்ததாகக் குறிப்பிடும் “attestation de refus d’ouverture de compte”என்ற ஆவணத்தை உங்களுக்கு வழங்க வேண்டும்.
• வங்கி உங்களுக்கு “attestation de refus d’ouverture de compte” என்ற ஆவணத்தை வழங்கவில்லை என்றால், அதைக் கேட்டு உறுதிப்படுத்திக் கொள்ளுங்கள்
• ஒரு சில நாட்களுக்குள் பிரெஞ்சு மத்திய வங்கியில் வங்கிக் கணக்கைப் பெறுவதற்கு விண்ணப்பிக்க இந்த ஆவணம் உங்களுக்கு உதவும். செயல்முறையை நாங்கள் கீழே விளக்குவோம்.

உங்களுக்கு அருகிலுள்ள “Banque de France” இற்கான தொடர்பு விவரங்களை this website காணலாம்.

ஒரு கிளைக்கு நேரிலும் தபால் மூலமாகவும் அல்லது “Banque de France” இன் இணையதளத்தில் நிகழ்நிலையில் தனிப்பட்ட சுயவிவரத்தை உருவாக்குவதன் மூலமும் நீங்கள் விண்ணப்பம் செய்யலாம்.

உங்கள் விண்ணப்பத்தை அஞ்சல் மூலம் செய்தால், அதை உள்ளடக்கியிருக்க வேண்டும்:

• பூர்த்தி செய்யப்பட்ட கணக்குரிமை அல்லது “droit au compte” விண்ணப்பப்படிவம்
• உங்கள் விண்ணப்பத்தை நிராகரித்த வங்கி உங்களுக்கு வழங்கும் ஆவணம் “attestation de refus d’ouverture de compte” என்றழைக்கப்படும்.
• உங்கள் அடையாள அட்டை அல்லது கடவுச்சீட்டு போன்ற செல்லுபடியாகும் அடையாள ஆவணம்
• மூன்று மாதங்களுக்குக் குறையாத வாடகைப் பற்றுச்சீட்டு, எரிவாயு அல்லது மின்சாரக் கட்டணம் அல்லது நீங்கள் தங்கியிருக்கும் நபரின் “attestation d’hébergement”போன்ற உங்கள் முகவரியை நிரூபிக்கும் ஆவணம் வதிவிடச் சான்று அல்லது “justificatif de domicile” என அறியப்படும்.

“lettre recommandée avec accusé de réception” அல்லது கடிதத்தின் விநியோகம் பதிவு செய்யப்பட்டு, பதிவுத் தபால் மூலம் அனுப்பப்பட வேண்டும் உங்கள் கடிதம் பெறப்பட்டதை நிரூபிக்கக் கூடியஒரே வழி இதுவாகும். பற்றுச்சீட்டைத் தபாலின் சான்றாக வைத்துக் கொள்ளவும்.

உங்கள் விண்ணப்பத்தைப் பெற்ற பிறகு, “Banque de France” ஆல் ஒரு வங்கியை நியமிக்க இரண்டு வேலை நாட்கள் இருக்கிறது

சில நாட்களுக்குப் பிறகு உங்கள் விண்ணப்பத்தில் நீங்கள் வழங்கிய முகவரிக்கு அஞ்சல் மூலம் பதிலைப் பெறுவீர்கள்.

நியமிக்கப்பட்ட வங்கியுடன் நீங்கள் சந்திப்பை ஏற்படுத்த வேண்டும். நீங்கள் கோரப்பட்ட அனைத்து ஆவணங்களையும் வழங்கியவுடன், உங்கள் பெயரில் ஒரு கணக்கைத் திறக்க அவர்களுக்கு மூன்று வேலை நாட்கள் போகும்,