Mametraka paikady fiarovana rehefa mbola miara-mipetraka
Noho ny antony samihafa dia mety ho tsy afaka miala amin‘ny vadinao na ny trano iarahanareo…
Fantaro hoe nahoana no mahery setra ny vadinao
Tsy misy fanamarinana ho an‘ny herisetra. Ny vady mahery setra matetika dia nisy ratra nahazo azy tsy notsaboiny. Saingy izany ratra izany dia tsy manamarina mihitsy ny herisetra ataony amin‘ny hafa. Indrisy anefa fa mahalana ny fahafahan‘izy ireo miova, na dia mampanantena izany aza izy ireo.
Nohamarinin'ny Assoc. Prof. Andreea Gruev-Vintila tamin'ny 18/11/2022
Fantaro ny zava-misy
Maneho ny fanadihadiana vao haingana fa ny ankamaroan‘ny vady mahery setra dia manao izany noho ny tahotra lalina ny hilaozana, tsy filaminana ary fahatezerana noho ny fahatsapana ho afa-baraka. Saingy ny ratrany sy tahony dia tsy manamarina mihitsy ny herisetra ataony amin‘ny hafa
-
Mino ny vady mpanao herisetra fa ny fahatsapana sy filan‘izy ireo manokana no tokony hatao laharam-pahamehana amin‘ny fifandraisana.
Manao zavatra ho amin‘ny tombontsoany manokana izy ireo ka manimba ny vadin‘izy ireo mba hahazoany:
- antoka fa tsy avela na ilaozana mihitsy izy ireo
- fifehezana sy fanjakazakana amin‘ny vadiny
- fahafahana manao izay tiany tsy mihevitra akory ny vadin‘izy ireo sy ny tian‘izy ireo hatao, ary mety ho tsy mihevitra ny zanany
- antoka fa mahafeno ny zavatra takiany sy mahatanteraka ny zavatra ilainy ny vadiny
- fanginana sy fankatoavana ataon‘ny vadiny
- fahafahana mamoaka ny fahasorenany ka tsy misy maneritery azy rehefa tezitra, miady saina na vizany izy.
-
Raha eo amin‘ny sehatra iraisam-pirenena dia ekena ho fomba tsara indrindra ahatakarana ny herisetra ao an-tokantrano ny voankevitra hoe fifehezana mamoritra izay mbola tsy fantatra loatra any Frantsa.
Ny fifehezana mamoritra dia faritana ho fanaovana na lasitra fihetsika mifehifehy, manery na mandrahona iniana atao ampiasain‘ny olona iray amin‘ny vadiny na vadiny taloha mba hahatonga azy hiankin-doha, ho eo ambany fahefany ary/na manaisotra ny fahafahany manao zavatra.
Ny mpanao herisetra dia mety hampitahotra, hanala baraka, hanara-maso, hanodinkodina na hampitoka-monina ny vadiny mihitsy aza mba hampiharana fahefana sy fifehezana. Mety hiseho amin‘ny endrika maro samihafa ny herisetra ataon’izy ireo.
Tsy tokony adinoina
Tsy misy fanamarinana ho an‘ny herisetra. Tsy tompon‘andraikitra amin‘ny herisetra iainanao ianao.
Olona maro izay niaina herisetra mivantana na ankolaka no misafidy ny tsy hamerina ilay zavatra niainany intsony ary mahazo fitsaboana. Ny vady mpanao herisetra dia misafidy ny fomba itondrany tena.
Indrisy anefa fa mahalana ny fahafahan‘izy ireo miova, na dia mampanantena izany aza izy ireo.
Afaka manohana anao amin‘ny làlanao ho any amin‘ny fiarovana sy fahaleovan-tena ny matihanina sy sampan-draharaha manampahaizana.
-
Ity tolotra fanomezana torohevitra an-telefaonina ity, dia natao ho an'ny olona miatrika herisetra maro isan-karazany sy ireo izay manohana azy ireo.
- Maimaimpoana io tolotra io.
- Hisy mpanolotsaina voaofana hihaino anao sy hanohana anao amin‘ny alalan‘ny telefaonina. Afaka hanoro anao ireo sampan-draharaha akaiky anao mifandraika amin'izany izy ireo.
- Teny azo isafidianana: Frantsay. Misy ireto teny manaraka ireto indraindray: Anglisy, arabo, espaniola, tiorka, mandarin, sinoa, kiorda, azeri, poloney, hebreo, farsi, soninké, kreôla, kinyarwanda, kirundi ary swahili. Amin‘izao fotoana izao anefa aloha, dia mbola tsy voafaritra sy tsy voalamina mialoha ny fotoana ahitana ireo fiteny ireo.
- Fifandraisana: antsoy ny 3919, amin‘ny ora rehetra sy ny andro rehetra. Tsy hiseho amin'ny faktioran-telefaoninao ny antso.
- Ho an'ny olona marenina, manana olana amin'ny fandrenesana, olona voan'ny aphasia na manana fahasembanana amin'ny fiteny, azonao atao ny miditra amin'ny tolotra mifanaraka amin'ny filanao, amin'ny fanindriana ny sarina telefaonina eo amin'ny farany ambany amin‘ny havanana amin'ny tranonkala www.solidaritefemmes.org.
-
Ny “Centres d'Information sur les Droits des Femmes et des Familles (CIDFF) ” dia manampy ny sarambabem-bahoaka, indrindra ny vehivavy, amin‘ny sehatra maro toy ny: zo araka ny lalàna, fahasalamana, fitadiavana asa, fanofanana, famoronana orinasa, eny fa na dia fikarakarana ny ankizy aza.
- Tsy andoavam-bola ireo tolotra ireo.
- Ho afaka hampahafantatra anao ny zonao sy ny dingana tokony hatao izy ireo. Afaka manampy anao amin'ny dingana tokony hatao sy ireo antontan-taratasy ilaina ny ivon-toerana sasany.
- Teny azo isafidianana: Frantsay no tena ampiasaina.
- Fifandraisana: ny antsipirian‘ny fifandraisana amin'ny “CIDFF” any amin'ny faritra misy anao dia ho hitanao ato anatin'ity lahatahiry ity.
-
Ny “Associations” dia fikambanana manome tolotra isan-karazany.
- Maimaimpoana ireo tolotra ireo.
- Ireo tolotra misy dia miovaova arakaraka ny “association”. Afaka manome torohevitra anao izy ireo, ary indraindray afaka manampy anao amin'ny dingana tokony hatao, sy ireo antontan-taratasy ilaina.
- Teny azo isafidianana: frantsay no tena ampiasaina.
- Hahita lisitr'ireo "associations" akaiky anao izay mpikarakara manokana ireo niharan'ny herisetra ianao ato amin'ity lahatahiry ity, amin‘ny fisafidianana ny departemanta misy anao ao Frantsa.
Mety hahaliana anao koa
Miaro ny tenanao mandritra ny herisetra
Raha manomboka manao herisetra ny vadinao na ny vadinao taloha, dia manandrama mamonjy toerana azo…
Miomàna ny hisaraka amin‘ny vadinao izay manao herisetra
Mety ho tena mafy tokoa ny manapaka an‘ilay fifandraisana. Mety hampidi-doza be ny fotoana…