Polisy sy fitsarana
Mety misalasala ianao amin'ny fanatonana ny rafi-pitsarana frantsay rehefa avy niharan'ny herisetra ao an-tokantrano. Na izany aza ny fametrahana fitoriana ofisialy no mety ho dingana lehibe izay mety hanampy anao any aoriana. Ohatra hoe ahazoana fiarovana araka ny lalàna, rehefa raharaham-pitsarana ho an‘ny fianakaviana, ho an‘ny zonao ipetraka eo an-toerana na hitadiavana trano. Hanaraka anao tsikelikely eny izahay ny amin‘ny dingana tokony arahina.
Izay rehetra niaina herisetra ao an-tokantrano eto Frantsa dia afaka mametraka fitoriana mikasika ilay herisetra, na dia tsy manana zo hipetraka eo an-toerana aza izy ireo. Dingana lehibe tokoa ny fametrahana fitarainana, ary izany dia mety ho fepetra takiana mifandrayamin‘ny fiarovana azo antoka, trano fonenana, eny fa na dia ny fisaraham-panambadiana sy fitazomana ny zaza aza.
Ity taratasy ho an'ny polisy frantsay ity dia afaka manampy anao hifandray amin'izy ireo raha tsy mahay miteny frantsay ianao ary/na maniry ny hahazo antoka fa manaja ny zonao izy ireo, ohatra ny hoe manana zo hangataka ny fanampiany ianao kanefa tsy handroaka anao izy.
Na dia mbola tsy tena vonona ny hitatitra trangana herisetra aza ianao dia zava-dehibe tokoa ny manangona porofo. Mety hanampy anao izany mba hahazoanao ny zonao any aoriana, izay mikasika ny trano, ny zo amin’ny toeram-ponena na fisarahana sy ny fitazomana ny ankizy ohatra.
Ny mpisolovava dia manana anjara toerana lehibe mandritra ny fitsarana. Zava-dehibe ny fifidianana olona azo itokisana. Azon'izy ireo atao ny manampy anao amin'ny lalàna momba ny heloka bevava, ny lalàna momba ny fianakaviana na miaro ny zonao mifandray amin'ny manampahefana ara-panjakana.
Voarara sy voasazy araka ny lalàna frantsay ny fanavakavahana. Raha sendra fanavakavahana ianao, na avy amin'ny fikambanana iray miankina na tsy miankina, dia misy safidy sasantsasany hiarovana ny zonao.
Raha lasa any ivelany miaraka amin'ny zanakao ny rainy na ny reniny, na koa mihazona azy ireo any ivelany nefa tsy nifanaiky ianareo, dia fakàna an-keriny ny zaza ho any amina firenena hafa izany. Misy vahaolana hamerenana ny zanakao any Frantsa.
Ny mpanao herisetra dia mametraka paikady hanaratsiana ny olona nanaovany herisetra, ary matetika izy ireo no mampiasa ny rafi-pitsarana hanohizana ny herisetra ataony. Na dia eo aza izany, ny mpitsara, ny polisy, ny haino aman-jery ary ny fiarahamonina dia manomboka mahafantatra ireo tetika sy fomba fanodinkodinana ireo.