Mianatra teny frantsay
Indrisy fa vitsy dia vitsy ny tolotra sy taratasy azo fenoina misy amin'ny fiteny ankoatra ny…
Mitady vondron‘olona any Frantsa.
Rehefa lavitra ny fianakaviana sy ny namana, tena rariny sy hitsiny tokoa ny mahatsiaro tena ho mitoka-monina, indrindra raha sendra iharan‘ny herisetra ao an-tokantrano ianao. Na izany aza, azo atao ny mitady vondron'olona mizara ny kolontsainao na ny zavatra mahaliana anao, na dia tsy miteny frantsay aza ianao.
Nohamarinin'i Ouarda Varda Sadoudi tamin'ny 29/09/2023
Raha tsy manana olona akaiky anao any Frantsa ianao, dia tena rariny sy hintsiny tanteraka ilay mahatsiaro tena ho irery indraindray. Mihamafy tokoa io fahatsapan-tena ho mitoka-monina io rehefa iharana na niharan’ny herisetra ao an-tokantrano ianao.
Ny fihezahana mifanerasera amin‘ny hafa dia hanampy anao amin‘ny fanarenana ara-tsaina, ankoatra ny fanaraha-maso ara-pitsaboana na ara-pahasalamana.
Ireto ambany ireto ny fomba samihafa hihaonana amin'ny olona mitovy zavatra tiana, soatoavina na kolontsaina aminao.
Mety hampahatahotra izany, saingy afaka manomboka miresaka amin'izy ireo amin‘ny aterineto ianao mba halalanao azy.
Hiditra anaty vondrona manodidina ahy
Maro ireo vondrona noforonina amin'ny tranokala na app voatokana, ohatra hoe:
- Vondrona ao amin‘nyFacebook. Raha tsy manana pejy ao ianao dia tsy maintsy mamorona iray aloha, ary avy eo mikaroka ao amin'ny fizarana Vondrona mba hahitana vondrona toy ny:
- olona mitovy zavatra tiana aminao
- olona avy any an-tanindrazanao raha toa ka manina ny any an-tanàna ianao.
- vondrona misy ray aman-dreny mifanohana raha toa ka manan-janaka ianao
- Ny app hanaovana fihaonana amin’ny namana Meetup, izay ahafahanao mamorona hetsika miaraka amin’ny vondrona. Vantany vao voaforona ny pejinao, dia azonao atao ny miditra amin‘ny vondrona efa misy na mamorona ny anao manokana.
Torohevitra momba ny fiarovana
Tena mahazatra tokoa ny fihaonana amin‘ny alalan‘ny aterineto amin‘izao fotoana izao, ary tena fomba tsara hahazoana namana vaovao.
Na izany aza, zava-dehibe ny mandray fepetra fiarovana fototra, indrindra raha manomana fihaonana mivantana ianao:
- Raha hitanao hoe tsy hampidi-doza ihany izany vao tokony hatao.
- Lazao amin'olona izay toerana halehanao.
- Any amin‘ny toerana be olona no manaova fihaonana.
- Mandehana irery.
- Raha misy zavatra mampisalasala na kely fotsiny aza dia mialà teo.
Mandraisa anjara amin'ny hetsika
Afaka manampy anao hihaona amin'ny olona ny fandraisana anjara amin'ny hetsika ara-panatanjahantena, ara-kolontsaina na ara-pivavahana.
Raha hitady hetsika eny amin‘ny manodidina anao ianao, dia azonao atao ny mankany amin‘ny lapan‘ny tanàna misy anao na “mairie” mba hanontaniana azy ireo raha misy hetsika atolotra ho an'ny olon-dehibe:
- Hahita ny antsipiriany ifandraisana amin‘izy ireo ianao ao amin‘ity lahatahiry ity, fa apetraho ny anaran’ny tanan-dehibe na tanàna izay ipetrahanao.
- Ny “mairie” dia afaka manome anao fifandraisana avy amin'ny sampandraharaham-panjakana izay mikarakara hetsika ao an-tanàna na tanan-dehibe misy anao.
- Atolotra amin'ny vidiny mirary ireo hetsika ireo amin‘ny ankapobeny, ary ampitomboina araka ny fidiram-bolanao. Indraindray ny “mairies” manome fanampiana ara-bola koa, ka aza misalasala manontany azy ireo.
Raha liana amin'ny hetsika manokana iray ianao dia afaka mikaroka amin'ny aterineto, ka soraty eo ny anaran'ilay hetsika amin'ny teny frantsay sy ny anaran'ny tanàna na tanàn-dehibe misy anao.
Mirotsaha manao asa an-tsitrapo
Fomba iray hafa hitadiavana tambajotra ao an-tanànanao ny fandraisana anjara amin'ny asa an-tsitrapo ho an'ny fikambanana mpanao asa soa, antsoina hoe “association”.
Azonao atao ny mikaroka asa an-tsitrapo amin’ny aterineto, ohatra ao amin’ny “France Bénévolat” na ny tranokalan’ny fanjakana “Je veux aider”. Manolotra asa ampanaovina amin‘ny faritra maro izy ireo.
Azonao atao ihany koa ny mifandray amin’ny “association” manakaiky anao mba hijerena raha mitady mpirotsaka an-tsitrapo izy ireo.
-
Ny “Mairie” dia rafi-pitantanana eo an-toerana miandraikitra ny politika eo an-toerana. Ny tena anjara asany dia ny manampy ny olom-pireneny izay misedra fahasahiranana. Afaka mampahafantatra anao momba ny zonao sy ny fanampiana ara-bola misy izy ireo, manoro anao handeha any amin'ny fikambanana mifandraika amin'izany, ary manampy anao amin'ny dingana arahina ara-panjakana sasany.
- Maimaimpoana io tolotra io.
- Fiteny misy: Frantsay no tena ampiasaina.
- Fifandraisana: Hahita ny antsipiriany ifandraisana amin’ny “mairie” eo an-toerana ianao ao amin’ny ity tranonkala ity, fa apetraho ny anaran’ny tanan-dehibe na tanàna izay ipetrahanao.
-
Ny mpiasa sosialy na “travailleurs sociaux” sy ny “assistants sociaux” dia efa za-draharaha amin‘ny fanohanana ny olona amin'ny fikarakarany taratasy, ary manampy azy ireo hahita vahaolana mifanaraka amin'ny fahasahiranana atrehany.
- Tsy andoavam-bola ireo tolotra ireo.
- Azonao atao ny maka fotoana handraisana torohevitra manokana araka ny toe-javatra misy anao, ary hanampy anao amin'ny dingana manaraka, toy ny hoe: fangatahana fanampiana ara-bola avy amin'ny fanjakana, fangatahana trano fonenana, fisoratana anarana any amin'ny birao mikarakara ny olona tsy manana asa any Frantsa “Pôle emploi”, sns.
- Teny azo isafidianana: Frantsay no tena ampiasaina.
- Fifandraisana: Azonao atao ny mangataka fotoana hihaonana amin'ny “travailleur social” miaraka amin’ny
- “Conseil départemental” any amin’ny faritra misy anao
- ny "Centre communal d’action sociale" any amin’ny lapan’ny tanàna eo an-toerana.
-
Ny “Centres d'Information sur les Droits des Femmes et des Familles (CIDFF)” dia manampy ny sarambabem-bahoaka, indrindra ny vehivavy, amin'ny sehatra maro toy ny: zo araka ny lalàna, fahasalamana, fitadiavana asa, fanofanana, famoronana orinasa, eny fa na dia fikarakarana ny ankizy aza.
- Tsy andoavam-bola ireo tolotra ireo.
- Ho afaka hampahafantatra anao ny zonao sy ny dingana tokony hataonao izy ireo. Ireo ivon-toerana sasany dia afaka manampy anao amin'ny dingana tokony hatao sy ireo antontan-taratasy ilaina.
- Teny azo isafidianana: Frantsay no tena ampiasaina.
- Fifandraisana: ny antsipirian‘ny fifandraisana amin'ny “CIDFF” any amin'ny faritra misy anao dia ho hitanao ato anatin'ity lahatahiry ity.
Mety hahaliana anao koa
Mitady asa sy manaraka fiofanana arak'asa any Frantsa
Mety ho sarotra tokoa ny mitady asa any amin'ny firenena tsy nahalehibe anao, indrindra raha tsy…
Mahazo vola haingana
Raha toa tsy manam-bola ianao na nosakanan'ny vadinao na vadinao taloha ny fahazoanao vola, dia misy…