Mahazo vola haingana

• Azonao atao ny mieritreritra ny olona akaiky anao izay atokisanao: afaka mampindrana na manome vola anao ve ny iray amin'izy ireo mba handoavana ny vidin'ny zavatra ilainao andavanandro?
• Afaka manampy anao ireo fikambanana mpanao asa soa antsoina hoe “associations”; ohatra, amin'ny fanomezana sakafo na fanampiana anao hahita trano hipetrahana mandritra ny alina. Anisan'izany ny:
  • “Les Restos du cœur”: ity fikambanana ity dia afaka manome anao fonosana maimaimpoana misy sakafo andrahoina any an-trano, kojakoja ara-pidiovana, ary entana manokana raha manan-janaka ianao. Mizara sakafo mafana ihany koa izy ireo ary manome toerana ho an’ny olona tsy manan-kialofana. Fiteny ampiasaina: Frantsay no tena ampiasaina.
  • “Le Secours populaire”: Ity fikambanana ity dia manome fahafahana anao hiantsena eny amin'ny toeram-pivarotana sasany izay tsy andoavam-bola mihintsy, , anisan'izany ny zavatra ilain‘‘ny zazakely. Afaka manome akanjo sy fitaovana maimaimpoana koa izy ireo. Fiteny ampiasaina: Frantsay no tena ampiasaina.
  • “La Croix-Rouge”: ity fikambanana ity dia afaka manome anao sakafo maimaimpoana amin'ny endrika isan-karazany: fonosana, sakafo mafana, sakafo iombonana, sandwich, sns. Manana fivarotana enta-madinika ihany koa izy ireo izay azonao iantsenana ary tsy misy afa-tsy 10% amin'ny tena vidin‘entana ihany no aloanao. Manana akanjo friperie amin’ny vidiny mirary ihany koa izy ireo eny amin’ny fivarotany. Fiteny ampiasaina: Frantsay no tena ampiasaina.
• Raha mila toerana ipetrahana haingana ianao dia misy ireo vahaolana.

Manokatra kaonty amin’ny banky

Raha tsy manana kaontinao amin'ny banky ianao, dia tsara kokoa raha manokatra iray ianao araka izay haingana mba handefasana vola ho anao ao.

Mamotsotra ny vola nampiasaina tao amin'ny orinasanao

Raha miasa any Frantsa ianao ary manana vola ao amin'ny kaonty tahirin'ny orinasanao, ao anatin'ny drafitry ny fitehirizam-bolan’ny orinasa na “Plan Epargne Entreprise” dia azonao atao ny mampiasa izany raha misy trangana herisetra ao an-tokantrano. Afaka mifandray amin'ny mpampiasa anao ianao raha te hahalala bebe kokoa.

Makà fotoana miaraka amin’ny mpiasa sosialy na“travailleur social”

Tsara kokoa ianao raha maka fotoana amin‘ny matihanina izay fantatra amin‘ny anarana hoe “travailleur social” na mpiasa sosialy.

Ity matihanina ity dia afaka manampy anao hahita vahaolana mifototra amin'ny toe-javatra misy anao sy hanohana anao amin'ny dingana ara-panjakana, indrindra rehefa mangataka fanampiana ara-bola ianao. Azon'izy ireo atao koa ny mampahafantatra anao ny fitaovana hafa misy, toy ny fampihenana ny vidin-javatra na koa mandeha ny fitateram-bahoaka maimaimpoana, arakaraka ny toe-javatra misy anao.

Raha hanao fotoana miaraka amin'ny “travailleur social” dia azonao atao ny:

• Mifandray amin'ny manampahefana ao amin'ny faritra misy anao, antsoina hoe “Conseil départemental”.
• Mifandray amin'ny fikambanana miandraikitra ny fanohanana ara-tsosialy, fantatra amin'ny anarana hoe “Centre communal d’action sociale” eny amin’ny tanàna misy anao, ary mifandraisa amin’ny lapan’ny tanàna eo an-toerana na “mairie” misy anao.

• Manaova fotoana miaraka amin'ny mpiandraikitra ny asa sosialy ao amin'ny orinasanao na “assistante sociale” raha toa ka miasa ianao. Afaka mifandray amin'ny mpampiasa anao ianao raha te hahalala bebe kokoa.

Mitady asa

Raha tsy miasa ianao kanefa mila vola, dia misy ireo sehatra sasany matetika manakarama olona haingana.

Mandray vola amin’ny vadinao taloha

Raha manambady na manan-janaka ianao, dia mety hahazo fanampiana ara-bola avy amin'ny vadinao na ilay ray aman-dreny ankilany taorian‘ny fanapahan-kevitry ny mpitsara:

• Raha manambady ianao dia afaka mahazo fanampiana ara-bola avy amin’ny vadinao mandritra ny fangatahana fisaraham-panambadiana.
• Raha manan-janaka ianao, dia afaka mahazo fanampiana ara-bola avy amin’ny ray aman-dreny ankilany mba handoavana ny fandaniana amin'ny fikarakarana sy ny fanabeazana azy ireo noho ny fisarahanareo.

Na izany aza dia mety haharitra herinandro maromaro na volana maromaro mihitsy vao hivoaka ny fanapahan-kevitry ny mpitsara.

Fiverenana amin‘ny fahaleovan- tena ara-bola

Tsy mora foana izany, saingy azo atao ny miverina ho mahaleo tena ara-bola, eny na dia avy nisedra herisetra ara-toekarena aza. Ezaho ny tsy ho kivy.

Any Frantsa dia maro ireo fikambanana izay manome fotoana maimaimpoana ihaonana amin’ny mpisolovava mba hahafahanao mametraka ny fanontanianao sy mahazo torohevitra ara-dalàna.

Ny politikan'ny fiantohana sasany dia misy fiarovana araky ny lalàna izay mety handoavana ny ampahany amin'ny vola laninao amin‘ny fitsarana. Mety ho fiantohana mikasika ny trano fonenana izany, fiantohana karatra avy amin'ny banky, fiantohana momba ny asanao, na fiantohana hafa nalainao. Afaka mifandray amin'ny orinasam-piantohanao ianao raha te hahalala bebe kokoa.

Raha toa ka tsy maintsy hiantso mpisolovava na matihanina amin’ny resaka lalàna antsoina hoe “huissier de justice” eo amin’ny sehatry ny fitsarana, kanefa tsy ampy vola ianao omena azy ireo, dia mety afaka hisitraka ny fanampiana eo amin’ny sehatry ny lalàna na “aide juridictionnelle” ianao, amin’ny fandoavana ampahany na manontolo ny vola laninao amin’ny fitsarana.