விவாகரத்து நடவடிக்கைகளின் போது உங்கள் மனைவியிடமிருந்து நிதிப் பங்களிப்புகளைப் பெறுதல்

பிரான்சில், சட்டத்தின்படி,தேவைப்பட்டால் திருமணமான துணைவர்கள் ஒருவருக்கொருவர் நிதி மற்றும் பொருள் உதவிகளைச் செய்துகொள்ள வேண்டும். நீங்கள் விவாகரத்து நடவடிக்கைகளில் ஈடுபட்டிருந்தால், உங்கள் வாழ்க்கைத்துணையிடமிருந்து நிதிப் பங்களிப்புகளைக் கோரலாம்.

31/01/2024 அன்று மைட்ரே எலோடி ராமோஸ் ஆல் உறுதிப்படுத்தப்பட்டது

எது தொடர்புபடுகின்றது?

இந்த நிதி பங்களிப்பு, "pension alimentaire au titre du devoir de secours” எனப்படும் பராமரிப்பு கொடுப்பனவாகும், இது பல்வேறு வடிவங்களை எடுக்கலாம்:

  • ஒவ்வொரு மாதமும் ஒரு தொகைப் பணத்தைச் செலுத்துதல்
  • வகையான நன்மைகள், உ.ம். ஒரு திருமணம் சார்ந்த வீட்டை இலவசமாக வழங்குதல் அல்லது கூட்டுக் கடனைத் திருப்பிச் செலுத்துதல்
  • பணத்தினதும் நன்மைகளினதும் கலவை.

விவாகரத்து உறுதியாக அறிவிக்கப்படும் வரை இந்தப் பராமரிப்புக் கொடுப்பனவு பொருந்தும்.

நான் அதை எவ்வாறு பெறுவது?

குடும்ப நீதிபதி அல்லது “Juge aux affaires familiales (JAF)தற்காலிகமான விவாகரத்து நடவடிக்கைகளில் பராமரிப்புக் கொடுப்பனவை அல்லது “pension alimentaire au titre du devoir de secours” ஐச் சேர்க்க முடிவு செய்யலாம்.

வாழ்க்கைத் துணைவர்கள் தொடர்பான பல அளவுகோல்களின்படி இந்த பராமரிப்புக் கொடுப்பனவின் அளவை அவர்கள் அமைப்பார்கள்:

  • அவர்களின் வருமானம்: ஊதியங்கள், ஓய்வூதியங்கள் அல்லது ஊனமுற்றோர் நலன்கள்
  • அவர்களின் வேலை நிலைமை
  • அவர்களின் வாழ்க்கைத் தரம்
  • அவர்களின் சொத்துக்கள்: அசையும் சொத்துக்கள் அல்லது உடைமை
  • அவர்களின் செலவுகள்: வாழ்க்கை செலவுகள், கடன், வரிகள்.

எந்த நேரத்திலும் உங்களுக்கோ அல்லது அவர்களுக்கோ இந்த நிபந்தனைகளில் ஏதேனும் மாற்றம் ஏற்பட்டால், பராமரிப்புத் தொகை மதிப்பாய்வு செய்யப்படலாம். இது தான் விடயமெனில், உங்கள் வழக்கறிஞர் ஊடாக “Juge aux affaires familiales” இற்கு விண்ணப்பத்தைச் சமர்ப்பிக்க வேண்டும்.

பணம் செலுத்தாத நிகழ்வில்

உங்கள் முன்னாள் துணைவர் நீதிபதியால் நிர்ணயிக்கப்பட்ட பராமரிப்புக் கொடுப்பனவைச் செலுத்தவில்லை என்றால், அதற்குத் தீர்வுகள் உள்ளன.

உதவியை நாடுங்கள்

பிரான்சில், உங்களுக்கு ஆதரவளிப்பதற்கும், ஆலோசனை வழங்குவதற்கும், நடைமுறைகளிலும் ஆவணங்களை தயார்படுத்துவதிலும் உங்களுக்கு உதவுவதற்கும் பல சேவைகள் உள்ளன. அவற்றில் பெரும்பாலானவை இலவசமானவை.

  • Centres d'Information sur les Droits des Femmes et des Familles (CIDFF)” ​​பொது மக்களுக்கு, குறிப்பாக பெண்களுக்கு, பின்வருவன போன்ற பல பகுதிகளில் உதவுகிறது: சட்ட உரிமைகள், சுகாதாரம், வேலைவாய்ப்பு தேடல்கள், பயிற்சி, வணிக உருவாக்கம் மற்றும் குழந்தை பராமரிப்பு.

    • இந்தச் சேவைகளை இலவசமாகப் பெற்றுக்கொள்ள முடியும்.
    • அவர்கள் உங்களின் உரிமைகள் மற்றும் எடுக்க வேண்டிய நடவடிக்கைகள் குறித்து உங்களுக்குத் தெரிவிக்க முடியும். சில மையங்கள் உங்களுக்கு நடைமுறைகளுடனும் ஆவணங்களுடனும் உதவ முடியும்.
    • கிடைக்கக்கூடிய மொழிகள்: பிரதானமாக பிரெஞ்சு மொழி.
    • தொடர்பு கொள்ளவும்: இந்தக் விவரப் புத்தகத்தில், உங்கள் பகுதியில் உள்ள "CIDFF" இன் தொடர்பு விவரங்களைக் காணலாம்.
  • point-justice” எனப்படும் மையங்கள் உங்கள் சூழ்நிலையைப் பொறுத்து உங்களுக்குச் சட்ட ஆலோசனைகளை வழங்கும் பல்வேறு நிறுவனங்களை ஒன்றிணைக்கின்றன, மேலும் சில நேரங்களில் உங்கள் நிர்வாக நடைமுறைகளுக்கு உதவுகின்றன.

    • இந்தச் சேவைகளை இலவசமாகப் பெற்றுக்கொள்ள முடியும்.
    • இந்த மையங்களுக்குப் பல பெயர்கள் உள்ளன: “Maison de Justice et du Droit (MJD)”, “Point d’accès au droit (PAD)”, "Relais d’accès au droit (RAD)”, “Antenne de justice (AJ)” or “France services (FS)”. 
    • கிடைக்கக்கூடிய மொழிகள்: பிரதானமாக பிரெஞ்சு மொழி.
    • உங்களுக்கு அருகில் ஒரு “point-justice” நீங்கள் தேடிக் கண்டுபிடிக்க முடியும்:
      • இந்த நிகழ்நிலை கோப்பகத்தில்.
      • பிரான்சின் பிரதான நிலப்பரப்பில் இருந்து 3039 மற்றும் வெளிநாடுகளில் இருந்து +33 9 70 82 31 90 இல் தொலைபேசி மூலம். அவர்கள் உங்கள் அஞ்சல் குறியீட்டைக் கேட்டு, “point-justice”உடன் உங்களைத் தொடர்புகொள்வார்கள். கிடைக்கக்கூடிய மொழிகள்: பிரதானமாக பிரெஞ்சு மொழி.
  • ஒரு வழக்கறிஞரின் பொறுப்பானது, சட்ட நடவடிக்கைகளுக்கு முன், சட்ட நடவடிக்கைகளின் போது மற்றும் சட்ட நடவடிக்கைகளின் பின் உங்கள் உரிமைகளைப் பாதுகாப்பதாகும்.

    • நல்ல வழக்கறிஞரைத் தேர்ந்தெடுப்பதில் கவனமாக இருங்கள்.
    • வழக்கறிஞர்களுக்கு நீங்கள் செலுத்த வேண்டிய கட்டணங்கள் உள்ளன.
    • உங்களிடம் வரையறுக்கப்பட்ட ஆதாரங்கள் இருந்தால், இந்தக் கட்டணத்தைச் செலுத்த மாநில நிதி உதவிக்கு நீங்கள் தகுதி பெறலாம். இது "aide juridictionnelle" என்று அழைக்கப்படுகிறது.
    • ஒரு தொழில்முறையானவரால் அல்லது நீங்கள் நம்பும் நபரால் உங்களுக்கு பரிந்துரைக்கப்பட்ட வழக்கறிஞர் அமையவில்லை என்றால், பிரான்சில் உள்ள அனைத்து வழக்கறிஞர்களையும் பட்டியலிடும் இந்த விவரப் புத்தகத்தில் நீங்கள் ஒருவரைத் தேடலாம். நீங்கள் பேசும் மொழிகள் மற்றும் சட்ட நிபுணத்துவம் மூலம் தேடலாம்.

மிகவும் சரியானதும் இன்றுவரையிலுமான தகவலை உங்களுக்கு வழங்குவதில் மிகுந்த கவனம் செலுத்தப்பட்டாலும், இந்தப் பக்கம் சட்ட அல்லது தொழில்முறை ஆலோசனையை மாற்றும் நோக்கத்தில் இல்லை. சட்டங்களும் நடைமுறைகளும் தொடர்ந்து மாறுகின்றன, எனவே தகுதிவாய்ந்த நிபுணர்களை அணுகுவது முக்கியம்.

நீங்களும் ஆர்வமாக இருக்கலாம்

நீதிபதியால் தீர்மானிக்கப்பட்ட நிதிப் பங்களிப்பை உங்களின் முன்னாள் துணைவர் வழங்காவிட்டால் என்ன செய்வது என அறிந்து கொள்ளல்

உங்கள் விவாகரத்தின் ஒரு பகுதியாக நீதிபதியால் தீர்மானிக்கப்பட்ட நிதிப் பங்களிப்பை அல்லது பிள்ளைப்…

உங்கள் முன்னாள் துணைவர் விவாகரத்து விதிமுறைகளுக்கு இணங்கவில்லை என்றால் என்ன செய்வது என்று தெரிந்து கொள்ளல்

உங்களின் முன்னாள் துணைவர் உங்கள் விவாகரத்தில் தீர்மானிக்கப்பட்ட சொத்துப் பிரிவினைக்கு இணங்கவில்லை…

பிரான்சில் விவாகரத்து

நீங்கள் பிரான்சில் உங்கள் சிவில் திருமணத்தை முடிக்க விரும்பினால், நீங்கள் பல வகையான விவாகரத்து…

பொலிஸாரின் தலையீட்டிற்காக:

மேல் செல்ல ஸ்க்ரோல் செய்யவும்