பிரெஞ்சு நீதி அமைப்புக்கு வீட்டுத் துஷ்பிரயோகத்தைத் தெரிவித்தல்
பிரான்சில் வீட்டுத் துஷ்பிரயோகத்தை அனுபவித்த எவரும், வதிவிட உரிமைகள் இல்லாவிட்டாலும் கூட,…
உங்கள் முன்னாள் துணைவர் விவாகரத்து விதிமுறைகளுக்கு இணங்கவில்லை என்றால் என்ன செய்வது என்று தெரிந்து கொள்ளல்
உங்களின் முன்னாள் துணைவர் உங்கள் விவாகரத்தில் தீர்மானிக்கப்பட்ட சொத்துப் பிரிவினைக்கு இணங்கவில்லை என்றால் அல்லது இழப்பீட்டுத் தொகையாக அல்லது “prestation compensatoire”ஆக அறியப்படும் நீதிபதி கோரும் தொகையை உங்களுக்கு வழங்கவில்லை என்றால், அதற்கான தீர்வுகள் இருக்கின்றன.
31/01/2024 அன்று மைட்ரே எலோடி ராமோஸ் ஆல் உறுதிப்படுத்தப்பட்டது
முன்னாள் துணைவருக்குத் நீதிபதியால் தீர்ப்பளிக்கப்பட்டாலும் கூட. துரதிஷ்டவசமாக,அவர் உங்கள் விவாகரத்து விதிமுறைகளுக்கு இணங்காமல் போகலாம். அப்படி இருந்தால், அவர் சட்டத்தை மீறுகிறார்.
நீதி முறைமை அதிகாரிஅல்லது “commissaire de justice” இன் ஈடுபாடு தேவைப்படும் பல தீர்வுகள் உள்ளன.
இந்த நடவடிக்கைகளை எடுப்பதற்கு நீங்கள் ஒரு வழக்கறிஞரை அமர்த்துவது மிகவும் பரிந்துரைக்கப்படுகிறது. இந்தச் சேவைகளுக்குப் பணம் செலுத்துவதற்கு உங்கள் வளங்கள் மிகக் குறைவாக இருந்தால், நீங்கள் சட்ட உதவிக்கு அல்லது “aide juridictionnelle” இற்கு விண்ணப்பிக்கலாம்
-
எது தொடர்புபடுகின்றது?
“saisie sur compte bancaire” என்ற செயன்முறையானது செலுத்தப்படாத தொகைகளை உங்கள் “débiteur” இன் வங்கிக் கணக்கிலிருந்து நேரடியாக மீட்டெடுப்பதைக் குறிக்கின்றது.
“saisie-vente” என்ற செயன்முறையானது “débiteur” இன் சொத்துக்கள் பறிமுதல் செய்யப்படுவதைக் கொண்டுள்ளது. உங்களுக்குச் செலுத்தப்படாத தொகையைச் செலுத்த அவை விற்கப்படும்.
இது வேகமானதா?
நீங்கள் பணம் பெறுவதற்கு எடுக்கும் நேரம், உங்கள் “débiteur” இன் தீர்வுகாணும் திறனில் தங்கியுள்ளது உங்களுக்குச் செலுத்த வேண்டிய தொகை முதல் பறிமுதல் முயற்சியிலேயே கைப்பற்றப்பட்டால்,நீங்கள் மூன்று மாதங்களுக்குள் அந்தத் தொகையைப் பெற வேண்டும்.
துரதிஷ்டவசமாக, “débiteur” தீர்க்கக்கூடியதாக இல்லையென்றால்., அதற்கு அதிக காலம் ஆகலாம்.
ஒரு செலவு இருக்கிறதா?
“commissaire de justice” இன் சேவைகளுக்கு நீங்களே பணம் செலுத்த வேண்டும், அதனால்தான் இந்த நடைமுறைகள் பொதுவாகப் பரிந்துரைக்கப்படுவதில்லை. கட்டணம் செலுத்தப்படாவிட்டால், ஒவ்வொரு மாதமும் “saisie” செயன்முறையை நீங்கள் மீண்டும் செய்ய வேண்டும். இருப்பினும், உங்களிடம் சட்ட உதவி அல்லது “aide juridictionnelle” இருந்தால் கட்டணம் செலுத்தப்படலாம்.
என்ன படிமுறைகள் எடுக்கப்பட வேண்டும்?
“commissaire de justice” எனப்படும் நீதி முறைமை அதிகாரியை நீங்கள் அழைக்க வேண்டும். இந்தக் கோப்பகத்தில் உங்களுக்கு அருகிலுள்ள வல்லுநரொருவரை நீங்கள் கண்டறியலாம்.
நீங்கள் அவர்களுக்கு வழங்க வேண்டும்
- உங்களுக்கு ஒரு நிதிப் பங்களிப்பை வழங்கும் அதிகாரப்பூர்வ நீதிமன்ற ஆவணம்
- உங்கள் வங்கிக் கணக்குச் சான்றிதழ் அல்லது “relevé d’identité bancaire (RIB)”
- நீங்கள் செலுத்தப்படாத தொகைகளை குறிப்பிட்டுள்ள ஆவணம். அது மிகச் சரியானது என்று சான்றளித்து அதில் கையொப்பமிட வேண்டும். இதைச் செய்ய, உதாரணமாக. நீங்கள் ஒரு சத்தியப் பிரமாண அறிக்கை ஐப் பயன்படுத்தலாம். தயவுசெய்து கவனிக்கவும்: உரிமை கோரப்பட்ட தொகைகளின் தவறான கணக்கீடு ஏற்பட்டால், விண்ணப்பதாரராக நீங்கள் சட்டப்பூர்வமாகப் பொறுப்பாவீர்கள்.
அடுத்தது என்ன?
“saisie sur compte bancaire” இன் ஒரு பகுதியாக, “commissaire de justice” அதிகாரி , “acte de saisie” என அறியப்படும் கொடுப்பனவுக் கோரிக்கையை நேராக உங்கள் “débiteur” இன் வங்கிக்கு அனுப்புவார்.
- “commissaire de justice” உங்கள் “débiteur” இற்கு எட்டு நாட்களுக்குள் தெரிவிப்பார்
- அவரின் வங்கிக் கணக்கு அதிகபட்சம் 15 வேலை நாட்களுக்குத் தடுக்கப்படும், அந்த நேரத்தில் வங்கி பறிமுதல் செய்யக்கூடிய தொகையைத் தீர்மானிக்கும், அதன் பிறகு வங்கிக் கணக்குகளுக்கான அணுகலை நீக்கும்.
“saisie-vente” இன் ஒரு பகுதியாக,“commissaire de justice” உங்கள் “débiteur” இடம் பணம் செலுத்தச் சொல்லும் ஆவணத்தை அவருக்கு அனுப்பி, செலுத்த வேண்டிய தொகையைச் செலுத்துமாறு கேட்பார். இது பணம் செலுத்துவதற்கான உத்தரவு அல்லது “commandement de payer” என அறியப்படுகிறது.
- அவர் பணம் செலுத்துவதற்கு எட்டு நாட்கள் கால அவகாசம் இருக்கும்.
- இந்தக் காலத்திற்குள் பணம் செலுத்தப்படவில்லை என்றால், “commissaire de justice” சொத்துக்களைப் பறிமுதல் செய்யும் நடவடிக்கையைத் தொடர்வார். “débiteur” மற்றும் அவரது குடும்பத்தின் வாழ்க்கை மற்றும் வேலைக்குத் தேவையான பொருட்களைத் தவிர்த்து, பறிமுதல் செய்யப்பட்ட சொத்து எந்த மதிப்புடையதாகவும் இருக்கும்.
-
எது தொடர்புபடுகின்றது?
“saisie sur salaire” என அறியப்படும் செயன்முறையானது, உங்கள் “débiteur” இன் சம்பளத்திலிருந்து செலுத்தப்படாத தொகையை மீட்டெடுப்பதை உள்ளடக்குகிறது.
இது வேகமானதா?
சராசரியாக, இந்தச் செயன்முறைக்கு அதிக காலம் எடுக்கும், ஏனெனில்:
- இது குடும்ப நீதிமன்ற நீதிபதியின் அல்லது “Juge aux affaires familiales” இன் முன் சட்ட நடவடிக்கைகளை உள்ளடக்கியது,
- செயன்முறையில் ஈடுபட்டுள்ள பணியமர்த்துநரைப் பொறுத்துக் கொடுப்பனவுக் காலம் கணிசமாக மாறுபடும்.
சராசரியாக, செலுத்தப்படாத தொகையை மீட்டெடுக்க 6 முதல் 18 மாதங்கள் வரை ஆகும்.
ஒரு செலவு இருக்கிறதா?
ஆம், ஆனால் உங்கள் “débiteur” இந்தச் செலவுகளை ஈடுகட்ட வேண்டும். நீங்கள் எதையும் செலுத்த வேண்டியதில்லை.
என்ன படிமுறைகள் எடுக்கப்பட வேண்டும்?
வழக்கறிஞர் வழியாக “Juge aux affaires familiales (JAF)” என அறியப்படும் குடும்ப நீதிபதியிடம் நீங்கள் முதலில் அங்கீகாரத்தைக் கோர வேண்டும். அவர்களின் சேவைகளுக்குக் கட்டணம் செலுத்த முடியாத அளவுக்குக் குறைவாக உங்கள் வளங்கள் இருந்தால், ஏற்படும் செலவினங்களை ஈடுசெய்வதற்கு நீங்கள் சட்ட உதவிக்கு அல்லது “aide juridictionnelle” இற்கு விண்ணப்பிக்கலாம்.
நீதிபதியால் அங்கீகரிக்கப்பட்டதும், நீங்கள் ஒரு நீதி முறைமை அதிகாரி அல்லது “commissaire de justice” ஐப் பணியமர்த்த வேண்டும், அவர் உங்களுக்குச் செலுத்த வேண்டிய தொகையை அவரின் சம்பளத்தில் இருந்து நேரடியாகப் பறிமுதல் செய்வார். இந்தக் கோப்பகத்தில் உங்களுக்கு அருகிலுள்ள வல்லுநரொருவரை நீங்கள் கண்டறியலாம்.
நீங்கள் அவர்களுக்கு வழங்க வேண்டும்
- உங்களுக்கு ஒரு நிதிப் பங்களிப்பை வழங்கும் அதிகாரப்பூர்வ நீதிமன்ற ஆவணம்
- உங்கள் வங்கிக் கணக்குச் சான்றிதழ் அல்லது “relevé d’identité bancaire (RIB)”
- நீங்கள் செலுத்தப்படாத தொகைகளை குறிப்பிட்டுள்ள ஆவணம். அது மிகச் சரியானது என்று சான்றளித்து அதில் கையொப்பமிட வேண்டும். இதைச் செய்ய, உதாரணமாக. நீங்கள் ஒரு சத்தியப் பிரமாண அறிக்கை ஐப் பயன்படுத்தலாம். தயவுசெய்து கவனிக்கவும்: உரிமை கோரப்பட்ட தொகைகளின் தவறான கணக்கீடு ஏற்பட்டால், விண்ணப்பதாரராக நீங்கள் சட்டப்பூர்வமாகப் பொறுப்பாவீர்கள்.
அடுத்தது என்ன?
சட்டத்தால் நிர்ணயிக்கப்பட்ட வரம்புகளுக்குள். “saisie sur salaire” நடைமுறையைச் செயல்படுத்த, “commissaire de justice” உங்கள் “débiteur” இன் பணியமர்த்துநரைத் தொடர்புகொள்வார்,
-
“Centres d'Information sur les Droits des Femmes et des Familles (CIDFF)” பொது மக்களுக்கு, குறிப்பாக பெண்களுக்கு, பின்வருவன போன்ற பல பகுதிகளில் உதவுகிறது: சட்ட உரிமைகள், சுகாதாரம், வேலைவாய்ப்பு தேடல்கள், பயிற்சி, வணிக உருவாக்கம் மற்றும் குழந்தை பராமரிப்பு.
- இந்தச் சேவைகளை இலவசமாகப் பெற்றுக்கொள்ள முடியும்.
- அவர்கள் உங்களின் உரிமைகள் மற்றும் எடுக்க வேண்டிய நடவடிக்கைகள் குறித்து உங்களுக்குத் தெரிவிக்க முடியும். சில மையங்கள் உங்களுக்கு நடைமுறைகளுடனும் ஆவணங்களுடனும் உதவ முடியும்.
- கிடைக்கக்கூடிய மொழிகள்: பிரதானமாக பிரெஞ்சு மொழி.
- தொடர்பு கொள்ளவும்: இந்தக் விவரப் புத்தகத்தில், உங்கள் பகுதியில் உள்ள "CIDFF" இன் தொடர்பு விவரங்களைக் காணலாம்.
-
“point-justice” எனப்படும் மையங்கள் உங்கள் சூழ்நிலையைப் பொறுத்து உங்களுக்குச் சட்ட ஆலோசனைகளை வழங்கும் பல்வேறு நிறுவனங்களை ஒன்றிணைக்கின்றன, மேலும் சில நேரங்களில் உங்கள் நிர்வாக நடைமுறைகளுக்கு உதவுகின்றன.
- இந்தச் சேவைகளை இலவசமாகப் பெற்றுக்கொள்ள முடியும்.
- இந்த மையங்களுக்குப் பல பெயர்கள் உள்ளன: “Maison de Justice et du Droit (MJD)”, “Point d’accès au droit (PAD)”, "Relais d’accès au droit (RAD)”, “Antenne de justice (AJ)” அல்லது “France services (FS)”.
- கிடைக்கக்கூடிய மொழிகள்: பிரதானமாக பிரெஞ்சு மொழி.
- உங்களுக்கு அருகில் ஒரு “point-justice” நீங்கள் தேடிக் கண்டுபிடிக்க முடியும்:
- இந்த நிகழ்நிலை கோப்பகத்தில்.
- பிரான்சின் பிரதான நிலப்பரப்பில் இருந்து 3039 மற்றும் வெளிநாடுகளில் இருந்து +33 9 70 82 31 90 இல் தொலைபேசி மூலம். அவர்கள் உங்கள் அஞ்சல் குறியீட்டைக் கேட்டு, “point-justice”உடன் உங்களைத் தொடர்புகொள்வார்கள். கிடைக்கக்கூடிய மொழிகள்: பிரதானமாக பிரெஞ்சு மொழி.
-
“Femmes Informations Juridiques Internationales Auvergne-Rhône-Alpes (FIJI)” என்பது சர்வதேச குடும்பச் சட்டத்தில் நிபுணத்துவம் பெற்ற ஒரு அமைப்பாகும்.
- இந்தச் சேவை இலவசமானது.
- அவர்களின் வழக்கறிஞர்கள் குழு உங்கள் கேள்விகளுக்குப் பதிலளிக்க முடியும் மற்றும் உங்கள் பிரிவு, விவாகரத்து மற்றும்/அல்லது பிள்ளைக் காப்புப் பொறுப்பு விடயங்களில் ஆலோசனைகளை வழங்க முடியும். இது ஒரு தகவல் சேவை மட்டுமே ஆகும்: அவர்கள் உங்களை சட்ட நடவடிக்கைகளில் பிரதிநிதித்துவப்படுத்த முடியாது, இதற்கு நீங்கள் ஒரு வழக்கறிஞரை தொடர்பு கொள்ள வேண்டும்.
- கிடைக்கக்கூடிய மொழிகள்: பிரஞ்சு, ஆங்கிலம்.
- தொடர்பு கொள்ளவும்: மின்னஞ்சல் மூலம் [email protected] அல்லது தொலைபேசி மூலம் 04 78 03 33 63 திங்கள் முதல் புதன்கிழமை வரை காலை 9:00 மணி முதல் மதியம் 12:00 மணி வரை.
-
ஒரு வழக்கறிஞரின் பொறுப்பானது, சட்ட நடவடிக்கைகளுக்கு முன், சட்ட நடவடிக்கைகளின் போது மற்றும் சட்ட நடவடிக்கைகளின் பின் உங்கள் உரிமைகளைப் பாதுகாப்பதாகும்.
- நல்ல வழக்கறிஞரைத் தேர்ந்தெடுப்பதில் கவனமாக இருங்கள்.
- வழக்கறிஞர்களுக்கு நீங்கள் செலுத்த வேண்டிய கட்டணங்கள் உள்ளன.
- உங்களிடம் வரையறுக்கப்பட்ட ஆதாரங்கள் இருந்தால், இந்தக் கட்டணத்தைச் செலுத்த மாநில நிதி உதவிக்கு நீங்கள் தகுதி பெறலாம். இது "aide juridictionnelle" என்று அழைக்கப்படுகிறது.
- ஒரு தொழில்முறையானவரால் அல்லது நீங்கள் நம்பும் நபரால் உங்களுக்கு பரிந்துரைக்கப்பட்ட வழக்கறிஞர் அமையவில்லை என்றால், பிரான்சில் உள்ள அனைத்து வழக்கறிஞர்களையும் பட்டியலிடும் இந்த விவரப் புத்தகத்தில் நீங்கள் ஒருவரைத் தேடலாம். நீங்கள் பேசும் மொழிகள் மற்றும் சட்ட நிபுணத்துவம் மூலம் தேடலாம்.
நீங்களும் ஆர்வமாக இருக்கலாம்
பிரான்சில் ஒரு வழக்கறிஞரை பணியமர்த்துதல்
சட்ட நடவடிக்கைகள் பூராகவும் வழக்கறிஞர்கள் முக்கிய பங்கு வகிக்கின்றனர். நீங்கள் நம்பக்கூடிய ஒருவரைத்…
பிரான்சில் விவாகரத்து
நீங்கள் பிரான்சில் உங்கள் சிவில் திருமணத்தை முடிக்க விரும்பினால், நீங்கள் பல வகையான விவாகரத்து…