Zo hipetraka eo an-toerana ho an‘ny olona hiala amin‘ny fivarotan-tena

Ny antontan-taratasy manome ny zo hijanona ao Frantsa, fantatra amin'ny anarana hoe “titre de séjour”, na fahazoan-dalana ipetraka eo an-toerana dia mety hatolotra ny olona izay ao anaty toe-javatra misy idirany amin’ny fivarotan-tena, ary izay manaraka fandaharan‘asa manokana miaraka amin’ny fikambanana izany nomena alalana manokana mba hitantana izany, fantatra amin’ny hoe “association agréée”.

Nohamarinin’ny FNCIDFF tamin’ny 06/10/2023

Manatonta Zaraina amin‘ny mailaka

Fanamarihana: Ny Women for Women France dia mampiasa kokoa ny teny hoe ‘fivarotan-tena’ fa tsy hoe ‘asa mifandraika amin’ny firaisana ara-nofo’ raha ny manodidina an’ity pejy ity no jerena, mba hahazoana antoka fa mifanaraka amin'ny teny frantsay eo amin’ny lafiny ara-panjakana sy ara-dalàna ny fampahalalana omenay anao, ary tena miala tsiny izahay amin'izay ratra rehetra aterak'izany. Manaja anao izahay.

Fepetra

Tsy maintsy mahafeno ireto fepetra roa ireto ianao:

  • Tsy mivaron-tena intsony ianao.
  • Misoratra anarana amin'ny fandaharan’asa iray antsoina hoe dingan'ny fialana amin'ny fivarotan-tena sy ny fampidirana ara-tsosialy sy matihanina ianao na “parcours de sortie de prostitution et d’insertion sociale et professionnelle”. Ity fandaharan’asa ity dia tantanin’ny fikambanana izay nahazo alalana manokana fantatra amin’ny hoe “associations agréées”.

Lalàna manan-kery Andininy L.425–4 ao amin’ny “CESEDA”.

Raha te hahita “associations agréées” manakaiky anao :

  • Karohy amin’ ity lahatahiry ity ka mariho ny vakim-paritra misy anao dia fanteno ny “prostitution” eo amin’ilay menio misosa miaka-midina eo amin’ilay karazana herisetra izay efa voasoratra eo“Type de violence prise en charge”.
  • Raha tsy nahazo alalana manokana hitantana ity fandaharan’asa ity ny fikambanana ifandraisanao, dia afaka hanoro anao ny “association agréée” tokony hifandray aminao, izay eny akaikinao eny.

Karazana “titre de séjour” na fahazoan-dalana ipetraka eo an-toerana nomena

Ny “association agréée” izay manohana anao amin’ity dingana arahina ity dia hilaza aminao ny antontan-taratasy tokony angatahanao raha te hahazo fahazoan-dalana ipetraka eo an-toerana na “titre de séjour”.

  • Tokony hahazo fahazoan-dàlana hipetraka vonjimaika ianao na “autorisation provisoire de séjour” izay manankery mandritra ny enim-bolana farafahakeliny.

    Raha mahazo ity “titre de séjour” ity ianao, dia mety hahazo ny fanampiana ara-bola fantatra amin’ny hoe fanampiana ho amin’ny famerenana ho amin’ny fiainana sosialy sy ny sehatr’asa na “aide financière à l’insertion sociale et professionnelle” raha toa ka fenonao ireo fepetra sasantsasany. Raha te hahalala bebe kokoa dia anontanio ny “association agréée” izay manohana anao amin’ny lalan-kalehanao.

  • Ny “autorisation provisoire de séjour” dia azo avaozina mandritra ny dingana arahina hatramin’ny 24 volana farafahabetsany.

Teratany alzeriana

Amin'ny ankapobeny, ireo fepetra ireo dia tsy mihatra amin'ny olom-pirenena Alzeriana, satria ny satan'ny fifindra-monina any Frantsa dia fehezin'ny fifanarahana teo amin‘ny roa tonta.

Na izany aza, ny tompon-andraikim-panjakana frantsay misahana ny fandinihina ny fangatahana ny “titre de séjour” izay fantatra amin’ny hoe “préfecture” dia mety mbola hanapa-kevitra ny hamela anao hahazo izany raha toa ka manaraka fandaharan’asa hialana amin’ny toe-javatra manodidina ny fivarotan-tena ianao. Noho izany dia tsara tokoa raha toa ianao ka manao fangatahana sy manasongadina fa mahafeno ireo fepetra voalaza eo ambony.

Mitadiava fanohanana

Any Frantsa dia misy sampandraharaha maro afaka manohana anao, manome torohevitra anao ary manampy anao amin'ny dingana tokony hatao sy ireo karazana antontan-taratasy ilaina. Maimaimpoana ny ankamaroan‘izy ireo.

  • “La Cimade” dia fikambanana miompana amin’ny fanohanana ireo mpifindra monina rehetra, ary ireo mpitsoa-ponenana any Frantsa, indrindra olona miatrika herisetra.

    • Maimaimpoana io tolotra io.
    • Ho afaka hampahafantatra anao sy hanohana anao mandritra ny dingana arahina ara-panjakana mifandraika amin'ny zo ipetrahana any Frantsa, ary hitarika anao any amin'ny sampan-draharaha hafa, arakaraka ny toe-javatra misy anao manokana.
    • Teny azo isafidianana: Frantsay, Anglisy ary Espaniola.
    • Fifandraisana:
      • raha tsy misy fotoana nalaina tany amin’ny ivon-toerana akaiky anao
      • amin’ny telefaonina amin’ny 01 40 08 05 34 or 06 77 82 79 09 ny alarobia 9:30 maraina hatramin’ny 1:30 hariva ary manomboka amin’ny 2:30 hariva hatramin’ny 5:30 p.m.

  • “Gisti” dia fikambanana mifantoka manokana amin’ny fanomezana torohevitra mikasika ny lalàna ho an’ireo mpifindra monina sy mpitsoa-ponenana any Frantsa.

    • Maimaimpoana io tolotra io.
    • Ho afaka hampilaza anao momba ny zonao mifandraika amin'ny zo ipetraka ara-dalana eo an-toerana izy ireo, ary hanazava ny fomba hahazoana izany.
    • Fiteny misy: Frantsay no tena ampiasaina.
    • Fifandraisana:
      • Amin’ny telefaonina amin’ny +331 84 60 90 26 ny alatsinainy hatramin’ny zoma manomboka ny amin’ny 3 hariva hatramin’ny 6 hariva, ary koa amin’ny 10 maraina hatramin’ny 12 atoandro ny alarobia sy ny zoma. Indraindray mety be mpiantso be ao dia aza kivy. Mora kokoa indraindray ny miantso azy ireo amin‘ny harivariva .
      • Amin’ny alalan’ny paositra amin’ny “Gisti, 3 villa Marcès 75011 Paris, France”. Ataovy printy dia fenoy ity taratasy ity ary ampidiro ao amin’ny taratasinao miaraka amin’ny dika mitovy ny antontan-taratasy izay mety ilaina. Aza adinoina ny mamaritra mazava araka izay azo atao ny fanontanianao, ao anatin'izany ny zava-drehetra mety hanampy ny mpanolotsaina “Gisti” hahatakatra ny toe-javatra misy anao.

  • Ny “Associations” dia ireo fikambanana izay manome tolotra isan-karazany. Manampahaizana manokana amin‘ny fifindra-monina ny sasany.

    • Maimaimpoana ireo tolotra ireo.
    • Afaka mampahafantatra anao ny zonao any Frantsa izy ireo ary indraindray manohana anao amin‘ny dingana arahina raha hifindra-monina.
    • Fiteny misy: Frantsay no tena ampiasaina.
    • Fifandraisana: Azonao atao ny mitady izany isaky ny faritra sy ny vakim-paritra amin’ity lahatahiry ity.

  • Ireo fikambanana nahazo alalana na “associations habilitées” no afaka manome tolotra avo lenta manokana ho an’ireo mpitady fialokalofana.

    • Maimaimpoana ireo tolotra ireo.
    • Afaka mampahafantatra anao mikasika ny zonao, manoro hevitra anao, manampy anao amin’ireo dingana ara-taratasy karakaraina ary miaraka aminao rehefa mihaona amin’ny Birao Frantsay Miaro ny Mpitsoa-ponenana sy ny tsy manan-tanindrazana na “Office français de la protection des réfugiés et des apatrides (OFPRA)”.
    • Fiteny misy: Frantsay no tena ampiasaina, azo asiana fandikan-teny am-bava.
    • Fifandraisana: afaka mahita “associations habilitées” manakaiky anao ianao ato amin’ity lahatahiry ity.

Na dia natao aza ny rehetra mba hanomezana anao ny fampahalalana marina sy manaraka ny toetr‘andro indrindra dia tsy afaka manolo torohevitra ara-dalàna na matihanina akory ity pejy ity. Miova tsy tapaka ny lalàna sy ny fomba fiasa ka ilaina ny manatona olona matihanina sy tena mahay.

Mety hahaliana anao koa

Fangatahana antontan-taratasy manome alalana anao hipetraka any Frantsa, fantatra amin'ny anarana hoe “titre de séjour” na fahazoan-dàlana ipetrahana eo an-toerana

Raha te hipetraka sy hiasa any Frantsa ianao, dia mila mangataka taratasy manome alalana anao…

Hanamarina raha mahafeno fepetra hahazo zo ipetrahana any Frantsa

Natao hanampiana anao hamantatra ny antony na “fondements” izay mety manome anao zo ipetrahana any…

Manakarama mpisolovava any Frantsa

Ny mpisolovava dia manana anjara toerana lehibe mandritra ny fitsarana. Zava-dehibe ny fifidianana…

Raha mila polisy:

Antsoy ny 17 :
Misy mpandika an-teny am-bava

Mandefasa SMS any amin‘ny 114
Frantsay irery ihany

Chat amin‘ny aterineto
Fiteny maro

Hiala amin‘ny tranokala