Zo hipetraka eo an-toerana ho an‘ireo niharan‘ny fanondranana olona an-tsokosoko na ny asa fivarotan-tena

Ny fahazoan-dalana ipetraka eo an-toerana na ny “titre de séjour”, dia azo omena ireo olona izay miara-miasa amin’ny fitsarana amin’ny alalan’ny fitoriana na fijoroana vavolombelona momba ny fanondranana olona an-tsokosoko sy/na ny asa fivarotan-tena.

Nohamarinin’ny FNCIDFF tamin’ny 24/11/2022

Fepetra

Tsy maintsy mahafeno ireto fepetra roa ireto ianao:

  • Mila manapaka ny fifandraisanao amin'ilay mpanera anao hivaro-tena ianao na ilay olona nanery anao hivaro-tena.
  • Tsy maintsy manaiky hiara-miasa amin'ny fitsarana ianao ka mametraka fitoriana na mijoro vavolombelona amin’ny raharaham-pitsarana momba azy ireo.

Lalàna manan-kery Andininy L.425–1 sy ny L.425–3 ao amin’ny “CESEDA”.

Karazana “titre de séjour” na fahazoan-dalana ipetrahana eo an-toerana omena

Fanamarihana: rehefa avy nanao ny fangatahanao hahazo “titre de séjour” teny amin’ny rafi-panjakana frantsay izay fantatra amin’ny hoe “préfecture” ianao, dia hanana fe-potoana hakana saina mandritra ny 30 andro mialohan’ny hanapahanao hevitra na hametraka fitoriana ianao, na hijoro vavolombelona. Rehefa mandefa fangatahana ianao, ny “préfecture” no hanome anao rosia na “récépissé” mandritra io fotoana io izay hanome alalana anao hijanona sy hiasa any Frantsa.

  • Hahazo kara-ponenana vonjimaika na “carte de séjour temporaire” ianao izay milaza hoe “vie privée et familiale” na fiainana manokana sy fianakaviana. Manan-kery mandritra ny herintaona izany. Ahafahanao miasa izany.

    Mety ho azo havaozina izany mandritra ny fotoanan'ny raharaham-pitsarana.

    Mandritra io vanim-potoana io dia mety ho afaka mahazo fanampiana ara-bola antsoina hoe fanampiana ho an'ny mpitady fialokalofana na “allocation de demandeur d’asile” ianao, raha toa ka mahafeno fepetra sasantsasany.

  • Hahazo “carte de résident” manan-kery mandritra ny folo taona ianao, raha toa ka voaheloka tanteraka ilay voampanga ary raha mipetraka any Frantsa ianao.

    Raha tsy mahafeno an'io fepetra io ianao fa nipetraka tany Frantsa nandritra ny dimy taona farafahakeliny, na telo taona amin'ny toe-javatra sasany, dia mety mbola hahazo “carte de résident” ihany raha toa ka mahafeno fepetra. Te hahafantatra bebe kokoa

Teratany alzeriana

Amin'ny ankapobeny, ireo fepetra ireo dia tsy mihatra amin'ny olom-pirenena Alzeriana, satria ny satan'ny fifindra-monina any Frantsa dia fehezin'ny fifanarahana teo amin‘ny roa tonta.

Na izany aza, ny tomponandraikim-panjakana misahana ny fandinihina ny fangatahana ny “titre de séjour” izay fantatra amin’ny hoe “préfecture” dia mety mbola hanapa-kevitra ny hamela anao hahazo izany. Noho izany dia tsara tokoa raha toa ianao ka manao fangatahana sy manasongadina fa mahafeno ireo fepetra voalaza eo ambony.

Mitadiava fanohanana

Any Frantsa dia misy sampandraharaha maro afaka manohana anao, manome torohevitra anao ary manampy anao amin'ny dingana tokony hatao sy ireo karazana antontan-taratasy ilaina. Maimaimpoana ny ankamaroan‘izy ireo.

  • La Cimade” dia fikambanana miompana amin’ny fanohanana ireo mpifindra monina rehetra, ary ireo mpitsoa-ponenana any Frantsa, indrindra olona miatrika herisetra.

    • Maimaimpoana io tolotra io.
    • Ho afaka hampahafantatra anao sy hanohana anao mandritra ny dingana arahina ara-panjakana mifandraika amin'ny zo ipetrahana any Frantsa, ary hitarika anao any amin'ny sampan-draharaha hafa, arakaraka ny toe-javatra misy anao manokana.
    • Teny azo isafidianana: Frantsay, Anglisy ary Espaniola.
    • Fifandraisana:
      • raha tsy misy fotoana nalaina tany amin’ny ivon-toerana akaiky anao
      • amin’ny telefaonina amin’ny 01 40 08 05 34 or 06 77 82 79 09 ny alarobia 9:30 maraina hatramin’ny 1:30 hariva ary manomboka amin’ny 2:30 hariva hatramin’ny 5:30 p.m.
  • Gisti” dia fikambanana mifantoka manokana amin’ny fanomezana torohevitra mikasika ny lalàna ho an’ireo mpifindra monina sy mpitsoa-ponenana any Frantsa.

    • Maimaimpoana io tolotra io.
    • Ho afaka hampilaza anao momba ny zonao mifandraika amin'ny zo ipetraka ara-dalana eo an-toerana izy ireo, ary hanazava ny fomba hahazoana izany.
    • Fiteny misy: Frantsay no tena ampiasaina.
    • Fifandraisana:
      • Amin’ny telefaonina amin’ny +331 84 60 90 26 ny alatsinainy hatramin’ny zoma manomboka ny amin’ny 3 hariva hatramin’ny 6 hariva, ary koa amin’ny 10 maraina hatramin’ny 12 atoandro ny alarobia sy ny zoma. Indraindray mety be mpiantso be ao dia aza kivy. Mora kokoa indraindray ny miantso azy ireo amin‘ny harivariva .
      • Amin’ny alalan’ny paositra amin’ny “Gisti, 3 villa Marcès 75011 Paris, France”. Ataovy printy dia fenoy ity taratasy ity ary ampidiro ao amin’ny taratasinao miaraka amin’ny dika mitovy ny antontan-taratasy izay mety ilaina. Aza adinoina ny mamaritra mazava araka izay azo atao ny fanontanianao, ao anatin'izany ny zava-drehetra mety hanampy ny mpanolotsaina “Gisti” hahatakatra ny toe-javatra misy anao.
  • Ny “Associations” dia ireo fikambanana izay manome tolotra isan-karazany. Manampahaizana manokana amin‘ny fifindra-monina ny sasany.

    • Maimaimpoana ireo tolotra ireo.
    • Afaka mampahafantatra anao ny zonao any Frantsa izy ireo ary indraindray manohana anao amin‘ny dingana arahina raha hifindra-monina.
    • Fiteny misy: Frantsay no tena ampiasaina.
    • Fifandraisana: Azonao atao ny mitady izany isaky ny faritra sy ny vakim-paritra amin’ity lahatahiry ity.
  • Ireo fikambanana nahazo alalana na “associations habilitées” no afaka manome tolotra avo lenta manokana ho an’ireo mpitady fialokalofana.

    • Maimaimpoana ireo tolotra ireo.
    • Afaka mampahafantatra anao mikasika ny zonao, manoro hevitra anao, manampy anao amin’ireo dingana ara-taratasy karakaraina ary miaraka aminao rehefa mihaona amin’ny Birao Frantsay Miaro ny Mpitsoa-ponenana sy ny Tsy manan-tanindrazana na “Office français de la protection des réfugiés et des apatrides (OFPRA)”.
    • Fiteny misy: Frantsay no tena ampiasaina, azo asiana fandikan-teny am-bava.
    • Fifandraisana: afaka mahita “associations habilitées” manakaiky anao ianao ato amin’ity lahatahiry.

Na dia natao aza ny rehetra mba hanomezana anao ny fampahalalana marina sy manaraka ny toetr‘andro indrindra dia tsy afaka manolo torohevitra ara-dalàna na matihanina akory ity pejy ity. Miova tsy tapaka ny lalàna sy ny fomba fiasa ka ilaina ny manatona olona matihanina sy tena mahay.

Mety hahaliana anao koa

Hanamarina raha mahafeno fepetra hahazo zo ipetrahana any Frantsa

Natao hanampiana anao hamantatra ny antony na “fondements” izay mety manome anao zo ipetrahana any…

Manakarama mpisolovava any Frantsa

Ny mpisolovava dia manana anjara toerana lehibe mandritra ny fitsarana. Zava-dehibe ny fifidianana…

Raha mila polisy:

Asosa mankany ambony