ការប្រមូលភស្តុតាងនៃការរំលោភបំពាន

រក្សាកំណត់ហេតុប្រចាំថ្ងៃ ដើម្បីពណ៌នាដូចខាងក្រោម៖

• អ្វីដែលបានកើតឡើងពិតប្រាកដ៖ អ្វីដែលដៃគូ ឬអតីតដៃគូរបស់អ្នកបាននិយាយ ឬបានធ្វើ
• កាលបរិច្ឆេទ និងទីកន្លែង
• សាក្សីណាមួយ
• ភស្តុតាងផ្សេងទៀតដែលអ្នកអាចគិតបាន។

អ្នកអាចធ្វើវាតាមអនឡាញ ឧទាហរណ៍ជាមួយវេទិកា Mémo de Vie ដ៏មានសុវត្ថិភាព (មានតែជាភាសាបារាំងប៉ុណ្ណោះ)។ វាអនុញ្ញាតឱ្យអ្នករក្សាទុកសក្ខីភាព រឿងរ៉ាវជីវិត ឯកសារផ្លូវការ រូបថត វីដេអូ និងការថតសំឡេង។

ភស្តុតាងដែលចេញមកដោយផ្ទាល់ពីពួកគេជាមួយនឹងការទទួលស្គាល់អំពីការរំលោភបំពាន ការសុំទោសចំពោះការរំលោភបំពាន ការប្រមាថ ការគំរាមកំហែង ការប៉ុនប៉ងដើម្បីគ្រប់គ្រង ឬការបៀតបៀន គឺមានប្រយោជន៍ណាស់។ ឧទាហរណ៍៖

• អ៊ីមែល
• សារជាអក្សរ (រូបថតអេក្រង់ដែលបង្ហាញលេខរបស់អ្នកផ្ញើ)
• សារជាសំឡេង
• សារនៅលើកម្មវិធីផ្ញើសារ (ឧ. Messenger, WhatsApp, Signal)។

ឧទាហរណ៍ ស្នាមជាំ របួស ឬស្លាកស្នាម។

• កុំលាងសម្អាតដោយខ្លួនឯង។
• ចូរទៅជួបគ្រូពេទ្យ ឬទៅមន្ទីរពេទ្យឱ្យបានឆាប់តាមដែលអាចធ្វើបាន។ អ្នកជំនាញផ្នែកថែទាំសុខភាពនឹងពិនិត្យអ្នក និងអាចប្រមូលភស្តុតាងនៃការរំលោភបាន។
• ការពិនិត្យសុខភាពអាចបញ្ជាក់ពីជនល្មើសដែលរំលោភបំពាន ដោយប្រើ DNA របស់ពួកគេ។

ប្រសិនបើអ្នកជាមនុស្សពេញវ័យ (អាយុលើសពី 18 ឆ្នាំ) បុគ្គលិកពេទ្យត្រូវតែគោរពការសម្ងាត់ផ្នែកវេជ្ជសាស្រ្ត ហើយមិនអាចរាយការណ៍អំពីការរំលោភបំពានដោយគ្មានការយល់ព្រមពីអ្នកនោះទេ។

បើអាច និង ប្រសិនបើវាមានសុវត្ថិភាពសម្រាប់អ្នកដើម្បីធ្វើដូច្នេះ សូមកត់ត្រា ឬថតនូវការរំលោភបំពានដែលកើតឡើងដោយប្រុងប្រយ័ត្ន។ ឧទាហរណ៍ អ្នកអាចចាប់ផ្តើមការថតសំឡេងដោយប្រើទូរសព្ទរបស់អ្នក។

សូមប្រុងប្រយ័ត្នឱ្យមែនទែន នៅពេលធ្វើបែបនេះ។ សុវត្ថិភាពរបស់អ្នកតែងតែជាអាទិភាពចម្បង។ ធ្វើបែបនេះលុះត្រាតែអ្នកមានអារម្មណ៍ថាមានសុវត្ថិភាពក្នុងការធ្វើដូច្នេះប៉ុណ្ណោះ។

បើអាចធ្វើបាន សូមទុករបស់របរ ឬសម្លៀកបំពាក់ដែលមានសញ្ញានៃការបំពាននៅកន្លែងដែលមានសុវត្ថិភាព ឬថតរូបពួកវា។

សូមប្រុងប្រយ័ត្នឱ្យមែនទែន នៅពេលធ្វើបែបនេះ។ សុវត្ថិភាពរបស់អ្នកតែងតែជាអាទិភាពចម្បង។ ធ្វើបែបនេះលុះត្រាតែអ្នកមានអារម្មណ៍ថាមានសុវត្ថិភាពក្នុងការធ្វើដូច្នេះប៉ុណ្ណោះ។

ស្នើសុំឱ្យមនុស្សដែលជិតស្និទ្ធនឹងអ្នក ផ្តល់សក្ខីកម្មជាលាយលក្ខណ៍អក្សរដែលបញ្ជាក់ដូចខាងក្រោម៖

• របៀបដែលពួកគេបានជួបអ្នក
• តើពួកគេស្គាល់អ្នកយូរប៉ុណ្ណាហើយ
• ទំនាក់ទំនងរបស់ពួកគេជាមួយអ្នក និងជនល្មើស
• អ្វីដែលពួកគេបានធ្វើជាសាក្សី
• នៅពេលដែលពួកគេបានធ្វើជាសាក្សី
• អ្វីដែលអ្នកបានប្រាប់ពួកគេដោយទំនុកចិត្តអំពីការរំលោភបំពាន។

សេចក្តីថ្លែងការណ៍របស់សាក្សីនីមួយៗត្រូវតែចុះកាលបរិច្ឆេទ ចុះហត្ថលេខា និងភ្ជាប់មកជាមួយការថតចម្លងអត្តសញ្ញាណបណ្ណរបស់សាក្សី។ អ្នកអាចប្រើ គំរូ នេះបាន សម្រាប់សេចក្តីថ្លែងការណ៍របស់សាក្សីអ្នក។ អ្នកអាចបោះពុម្ព ឬប្រើវាជាគំរូសម្រាប់សេចក្តីថ្លែងការណ៍របស់សាក្សីនៅលើសន្លឹកក្រដាសដាច់ដោយឡែកមួយ។

អ្នកជំនាញថែទាំសុខភាពដែលអ្នកពិគ្រោះយោបល់ជាមួយ អាចសរសេរឯកសារដែលនឹងប្រើជាភស្តុតាង។ ឧទាហរណ៍៖

• អ្នកអាចពិគ្រោះជាមួយវេជ្ជបណ្ឌិត ហើយសុំឱ្យពួកគេចេញវិញ្ញាបនបត្រវេជ្ជសាស្រ្ត ដើម្បីកត់ត្រាការរំលោភបំពានដែលបានកើតឡើង
• ប្រសិនបើសេវាសង្គ្រោះបន្ទាន់បានជួយអ្នក សុំឱ្យពួកគេផ្តល់របាយការណ៍ដល់អ្នក
• ប្រសិនបើអ្នកត្រូវទៅមន្ទីរពេទ្យ សូមស្នើសុំរបាយការណ៍៖ នេះអាចជា “Certificat Initial Descriptif (CID)” ឬ “Compte Rendu des Urgences (CRU)” ។

សុំឱ្យអ្នកជំនាញដែលស្គាល់អ្នក និងកូនរបស់អ្នក ផ្តល់ភស្តុតាងដោយផ្តល់សេចក្តីថ្លែងការណ៍ ឬ “attestation” ។

នេះអាចជាបុគ្គលិកផ្នែកសង្គមកិច្ច មេធាវី គ្រូបង្រៀននៅសាលារៀន ឬអង្គការដែលផ្តល់សេវាឥតគិតថ្លៃដែលគេស្គាល់ថាជា "association" ដែលបានជួយអ្នក ។ល។

សេចក្តីថ្លែងការណ៍របស់សាក្សីនីមួយៗត្រូវតែចុះកាលបរិច្ឆេទ ចុះហត្ថលេខា និងភ្ជាប់មកជាមួយការថតចម្លងអត្តសញ្ញាណបណ្ណរបស់សាក្សី។

អ្នកអាចប្រើ គំរូ នេះបាន សម្រាប់សេចក្តីថ្លែងការណ៍របស់សាក្សីអ្នក។ អ្នកអាចបោះពុម្ព ឬប្រើវាជាគំរូសម្រាប់សេចក្តីថ្លែងការណ៍របស់សាក្សីនៅលើសន្លឹកក្រដាសដាច់ដោយឡែកមួយ។

ប្រសិនបើដៃគូរបស់អ្នក ឬអតីតដៃគូរបស់អ្នកគ្រប់គ្រង ឬគំរាមកំហែងការចូលប្រើប្រាស់រូបិយវត្ថុ និងឯកសាររបស់អ្នក សូមរក្សាភស្តុតាង៖

• របាយការណ៍អំពីគណនី
• កិច្ចព្រមព្រៀងប្រាក់កម្ចីដែលមានឈ្មោះរបស់អ្នក ដែលត្រូវបានប្រើដោយដៃគូរបស់អ្នក។
• ការប្រាស្រ័យទាក់ទងជាលាយលក្ខណ៍អក្សរទាក់ទងនឹងប្រាក់ចំណូល ឬការចំណាយរបស់អ្នក។
• ការប្រាស្រ័យទាក់ទងជាលាយលក្ខណ៍អក្សរ ដែលពួកគេរារាំងអ្នកពីការងារ ការអប់រំ ឬចូលរៀនថ្នាក់ភាសាបារាំង
• ការប្រាស្រ័យទាក់ទងជាលាយលក្ខណ៍អក្សរដែលអ្នកស្នើសុំឱ្យយកឯកសាររបស់អ្នកមកវិញ ដូចជាឯកសារអត្តសញ្ញាណរបស់អ្នក
• ភស្តុតាងណាមួយដែលថាពួកគេដកហូតធនធានអ្នក និងរារាំងអ្នកពីការទទួលបានធនធានថ្មី។

រក្សាភស្តុតាងនៃការបំពាន ឬឥរិយាបទត្រួតត្រាណាមួយ៖

• សាលក្រមរបស់តុលាការកន្លងមក
• សេចក្តីថ្លែងការណ៍របស់សាក្សី ឬ “attestation de témoin” ពីអតីតដៃគូដែលធ្លាប់ទទួលរងការរំលោភបំពានពីពួកគេ។

សេចក្តីថ្លែងការណ៍របស់សាក្សីនីមួយៗត្រូវតែចុះកាលបរិច្ឆេទ ចុះហត្ថលេខា និងភ្ជាប់មកជាមួយការថតចម្លងអត្តសញ្ញាណបណ្ណរបស់សាក្សី។ អ្នកអាចប្រើ គំរូ នេះបាន សម្រាប់សេចក្តីថ្លែងការណ៍របស់សាក្សីអ្នក។ អ្នកអាចបោះពុម្ព ឬប្រើវាជាគំរូសម្រាប់សេចក្តីថ្លែងការណ៍របស់សាក្សីនៅលើសន្លឹកក្រដាសដាច់ដោយឡែកមួយ។

សូមប្រុងប្រយ័ត្នឱ្យមែនទែន នៅពេលធ្វើបែបនេះ។ សុវត្ថិភាពរបស់អ្នកតែងតែជាអាទិភាពចម្បង។ ធ្វើដូចនេះបានលុះត្រាតែអ្នកប្រាកដថាសាក្សីនឹងមិនប្រាប់ដៃគូ ឬអតីតដៃគូរបស់អ្នក។

ប្រសិនបើអ្នកមិនមានអារម្មណ៍ថាត្រៀមខ្លួនជាស្រេចក្នុងការដាក់ពាក្យបណ្តឹងទេ អ្នកគ្រាន់តែអាចរាយការណ៍អំពីការបំពានដោយការដាក់កំណត់ហេតុ ឬ “main courante” ទៅកាន់ស្ថានីយ៍ប៉ូលិសណាមួយ ពោលគឺ “commissariat de police” ឬ “brigade de gendarmerie” ។

កំណត់ហេតុនេះគឺជាឯកសារផ្លូវការដែលគ្រាន់តែកត់ត្រាការពិតដែលអ្នករាយការណ៍។ ជាធម្មតាវាមិនបង្កឱ្យមានការស៊ើបអង្កេតទេ។

កំណត់ចំណាំ៖ ក្នុងករណីមានការរំលោភបំពានក្នុងគ្រួសារ ប៉ូលិសមានកាតព្វកិច្ចបញ្ជូនកំណត់ហេតុ ឬ “main courante” ទៅកាន់ព្រះរាជអាជ្ញាសាធារណៈ ឬ “procureur de la République” ។ ពួកគេអាចសម្រេចចិត្តធ្វើការស៊ើបអង្កេត និងអាចកាត់ទោសជនល្មើស ប្រសិនបើអំពើហឹង្សាត្រូវបានចាត់ទុកថាធ្ងន់ធ្ងរខ្លាំង។