Fanekena ny fisaraham-panambadiana frantsay any amin'ny firenena hafa
Miovaova arakaraka ny firenena resahina ny fahazoana fisaraham-panambadiana nomena tany Frantsa ka…
Mampihatra didim-pitsarana vahiny any Frantsa
Raha nisara-panambadiana tany ivelany ianao ary mila mampihatra ny didim-pitsarana momba ny fisaraham-panambadianao any Frantsa, dia ilainao ny mitondra ny raharaha eo amin’ny fitsarana any Frantsa mba hahazoana “exequatur” mikasika ny fisaraham-panambadiana.
Nohamarinin‘i Mpisolovava Hansu Yalaz tamin’ny 30/05/2022
Raha nisara-panambadiana tany ivelany ianao ary tsy nanaraka ny fanapahan-kevitry ny mpitsara ny vadinao taloha, dia azonao atao ny manomboka ny raharaha miaraka amin'ny mpampanoa lalàna fantatra amin'ny anarana hoe “procureur de la République” mba hahazoana ilay fampiharana antsoina hoe “exequatur” mikasika ny fisaraham-panambadiana any Frantsa.
Ahoana ny hanaovana azy
Mila manakarama mpisolovava frantsay ianao raha hanao ity fangatahana ity.
Handefa fangatahana ofisialy antsoina hoe “assignation en exequatur” any amin’ny mpampanoa lalàna na “procureur de la République” ny mpisolovavanao.
Raha mihevitra ilay “procureur de la République” fa mifanaraka amin’ny ny lalàna iraisam-pirenena frantsay tsy miankina ny didim-pitsarana any ivelany, izany hoe heverina ho “opposable” ilay izy any Frantsa, dia homen’izy ireo antontan-taratasy antsoina hoe “exequatur” momba ny fisaraham-panambadiana ianao.
Afaka mangataka fampiharana tsy maintsy atao amin'ny fanapahan-kevitra noraisina momba ny fisaraham-panambadianao ianao miaraka amin'ity antontan-taratasy ity.
Raha te hahalala bebe kokoa momba izany, dia afaka mahita vahaolana azo alaina ianao raha toa ka:
-
Ny “Centres d'Information sur les Droits des Femmes et des Familles (CIDFF)” dia manampy ny sarambabem-bahoaka, indrindra ny vehivavy, amin'ny sehatra maro toy ny: zo araka ny lalàna, fahasalamana, fitadiavana asa, fanofanana, famoronana orinasa, eny fa na dia fikarakarana ny ankizy aza.
- Tsy andoavam-bola ireo tolotra ireo.
- Ho afaka hampahafantatra anao ny zonao sy ny dingana tokony hataonao izy ireo. Ireo ivon-toerana sasany dia afaka manampy anao amin'ny dingana tokony hatao sy ireo antontan-taratasy ilaina.
- Teny azo isafidianana: Frantsay no tena ampiasaina.
- Fifandraisana: ny antsipirian‘ny fifandraisana amin'ny “CIDFF” any amin'ny faritra misy anao dia ho hitanao ato anatin'ity lahatahiry ity.
-
Ireo ivon-toerana antsoina hoe “point-justice” dia mampivondrona fikambanana isan-karazany izay manome anao torohevitra araka ny lalàna, miankina amin’ny toe-javatra atrehinao, ary indraindray dia manampy anao amin’ny dingana arahina ara-panjakana.
- Maimaimpoana ireo tolotra ireo.
- Manana anarana maro ireo ivon-toerana ireo: “Maison de Justice et du Droit (MJD)”, “Point d’accès au droit (PAD)”, "Relais d’accès au droit (RAD)”, “Antenne de justice (AJ)” na “France services (FS)”.
- Teny azo isafidianana: Frantsay no tena ampiasaina.
- Afaka mahita “point-justice” akaiky anao ianao:
- ao amin‘ity lahatahiry amin’ny aterineto ity.
- amin‘ny alalan‘ny fiantsoana ny 3039 avy any Frantsa metropolitana ary ny +33 9 70 82 31 90 avy any ivelany. Hangatahany kaodim-paositra ianao ary hampifandraisiny amin‘ny “point-justice” Teny azo isafidianana: Frantsay no tena ampiasaina.
-
"Femmes Informations Juridiques Internationales Auvergne-Rhône-Alpes (FIJI)" dia fikambanana miompana manokana amin‘ny lalàna iraisam-pirenena momba ny ankohonana.
- Maimaimpoana io tolotra io.
- Ny ekipana mpisolovavan‘izy ireo dia ho afaka hamaly ny fanontanianao ary hanome anao torohevitra momba ny fisitahana, fisaraham-panambadiana, ary/na fihazonana ny zanakao. Sampandraharaha fampahafantarana ihany izy io: tsy afaka misolo tena anao eny anivon'ny fitsarana izy ireo. Mila mifandray amina mpisolovava ianao amin'izany.
- Teny azo isafidianana: Frantsay, Anglisy.
- Fifandraisana: amin'ny alàlan'ny mailaka amin'ny adiresy [email protected] na amin'ny telefaonina amin'ny laharana 04 78 03 33 63, ny alatsinainy ka hatramin'ny alarobia, manomboka amin'ny 9 ora maraina hatramin'ny 12 ora atoandro
-
Anjara asan‘ny mpisolovava ny miaro ny zonao mialoha, mandritra ary aorian‘ny raharaha ara-pitsarana.
- Tandremo tsara mba ho mpisolovava mahay no fidìana.
- Tsy maintsy aloanao ny karaman'ny mpisolovava.
- Raha voafetra ny vola eo am-pelatananao, dia mety hahazo fanampiana ara-bola avy amin'ny fanjakana ianao handoavana ireo sarany ireo. Izany no antsoina hoe "aide juridictionnelle".
- Raha tsy mbola nisy matihanina na olona atokisanao nanolotra mpisolovava ho anao dia afaka mitady mpisolovava ao anatin'ity lahatahiry ity ianao. Mitanisa ireo mpisolovava rehetra ao Frantsa izy ity. Azonao atao ny mikaroka mpisolovava arakaraky ny tenim-pirenena teneniny na ny sokajin-dalàna manokana ifantohany.
Mety hahaliana anao koa
Mamantatra ny firenena hanaovana fangatahana ho amin‘ny fisaraham-panambadiana.
Miankina amin'ny zom-pirenenao, ny zom-pirenen'ny vadinao, ny firenena nanaovanareo mariazy, ary ny…
Fisaraham-panambadiana any Frantsa
Raha te hisara-panambadiana ara-panjakana any Frantsa ianao, dia afaka misafidy karazana fomba…