உங்கள் சொந்த நாட்டிற்குத் திரும்ப நிதி உதவி கோருங்கள்

குடியேற்றம் மற்றும் ஒருங்கிணைப்புக்கான பிரெஞ்சு அலுவலகம் அல்லது “Office français de l’Immigration et de l’Intégration (OFII)” என அழைக்கப்படும் புலம்பெயர்ந்தோரின் வரவேற்பை ஒழுங்கமைக்கும் பொறுப்பான பிரெஞ்சு தேசிய சேவை, தங்கள் சொந்த நாட்டிற்குத் திரும்பி அங்கு குடியேற விரும்பும் மக்களுக்கு ஆதரவளிக்க நிதி மற்றும் நிர்வாக உதவிகளை வழங்குகிறது

“aide au retour volontaire” என்றழைக்கப்படும் ஆதரவு அல்லது தன்னார்வத் திரும்பிச் செல்லுதல் உதவி, பின்வருவனவற்றைக் கொண்டுள்ளது:

• பயணச் செலவுகளை செலுத்துதல்: விமானங்கள், இடமாற்றங்கள் போன்றவை.
• நிதி உதவி
• பயணத்திற்கான தயாரிப்பில் நிர்வாக உதவி.

உங்கள் சொந்த நாட்டில் நீங்கள் விரும்பும் பகுதிக்குத் திரும்பலாம்.

“aide au retour volontaire” அல்லது தன்னார்வத் திரும்பிச் செல்லுதல் உதவி பெற, நீங்கள் பின்வரும் சூழ்நிலைகளில் ஒன்றில் இருக்க வேண்டும்:

• உங்களுக்கு வதிவிட உரிமைகள் இல்லை, அதை நிர்வாக அதிகாரிகள் “situation irrégulière” என்று குறிப்பிடுகின்றனர்.
• நீங்கள் பிரான்சை விட்டு வெளியேற வேண்டும் என்று சொல்லும் “Obligation de quitter le territoire français (OQTF)” என்ற ஆவணம் உங்களுக்குக் கிடைத்துள்ளது
• புகலிடத்திற்கான உங்கள் விண்ணப்பம் நிராகரிக்கப்பட்டது அல்லது நீங்கள் செயல்முறையைத் தொடர விரும்பவில்லை.

நீங்கள் பின்வரும் நிபந்தனைகளையும் பூர்த்தி செய்ய வேண்டும்:

• நீங்கள் ஏற்கனவே “aide au retour volontaire” ஐப் பெற்றிருக்கக்கூடாது
• நீங்கள் பிரான்சில் குறைந்தது ஆறு மாதங்கள் வாழ்ந்திருக்கிறீர்கள் என்பதை நிரூபிக்க முடியும். இருப்பினும், உண்மையில், நீங்கள் இந்த நிபந்தனையிலிருந்து விலக்கு கோரலாம்.

கோரிக்கை நேராக “OFII” இற்கு மேற்கொள்ளப்படுகின்றது. உங்களுக்கு அருகிலுள்ள அவர்களின் அலுவலகத்திற்கான தொடர்பு விவரங்களை இந்த இணையதளத்தில் நீங்கள் காணலாம்.

தன்னார்வத் திரும்புதல் பற்றிய கூடுதல் தகவல்களை http://www.retourvolontaire.fr/இல் காணலாம். கிடைக்கின்ற மொழிகள்: பிரெஞ்சு, ஆங்கிலம், அரபு, போர்த்துகீசியம், அல்பேனியன், ஆர்மீனியன், டாரி, ஸ்பானிஷ், ஜார்ஜியன், மாண்டரின், உருது, பாஷ்டோ, ரஷ்யன், செர்பியன், பெங்காலி, தமிழ், ரோமானிய, ஹைட்டியன் கிரியோல்.

சில சந்தர்ப்பங்களில், மற்றும் சில நாடுகளுக்கு, “aide à la réinsertion” (அல்லது மறு ஒருங்கிணைப்பு ஆதரவு) எனப்படும் உங்கள் சொந்த நாட்டில் குடியேறுவதற்கான ஆதரவையும் நீங்கள் பெறலாம்; எடுத்துக்காட்டாக, வீட்டை அமைக்க, வேலை தேட அல்லது வணிகத்தைத் தொடங்க உங்களுக்கு உதவுவதற்கு. இதைப் பற்றிய கூடுதல் தகவல்களைப் பெற OFII ஐத் தொடர்புகொள்ளலாம்.