Hanamarina raha mahafeno fepetra hahazo zo ipetrahana any Frantsa
Natao hanampiana anao hamantatra ny antony na “fondements” izay mety manome anao zo ipetrahana any…
Mangataka fanampiana ara-bola mba hiverenana any amin‘ny tany niavianao
Raha te handao an’i Frantsa ianao ka hiverina any amin’ny tanindrazanao, ao anatin’ny toe-javatra sasany dia afaka mangataka fanampiana ara-bola antsoina hoe “aide au retour volontaire”, na fanampiana amin’ny fodiana any an-tanindrazana an-tsitrapo ianao.
Nohamarinin‘ny Women for Women France tamin’ny 13/11/2023
Inona no tafiditra amin'izany?
Ny sampandraharaham-pirenena frantsay tompon'andraikitra amin'ny fikarakarana ny fandraisana ireo mpifindra monina, fantatra amin'ny anarana hoe birao frantsay ho an'ny fifindra-monina sy ny fampidirana na “Office français de l’Immigration et de l’Intégration (OFII)”, dia manolotra fanampiana ara-bola sy manoro ireo dingana arahina ara-panjakana hanohanana ny olona maniry ny hiverina any amin’ny tany niaviany sy hanorim-ponenana any
Ilay fanohanana izay antsoina hoe “aide au retour volontaire”, na fanampiana amin’ny fodiana any an-tanindrazana an-tsitrapo dia ahitana ny:
- fandoavana ny saran-dalana: sidina, famindrana, sns
- fanampiana ara-bola
- fanampiana amin’ny dingana arahina ara-panjakana hanomanana ny dia
Afaka miverina any amin'ny faritra nofidinao any amin'ny tanindrazanao ianao.
Fepetra
Raha te hahazo “aide au retour volontaire”, na fanampiana amin’ny fodiana any an-tanindrazana an-tsitrapo dia tsy maintsy ao anatin’ny iray amin’ireto toe-javatra ireto ianao:
- tsy manan-jo ipetraka eo an-toerana ianao, izay lazain'ny sampandraharaham-panjakana fa hoe ao anatin'ny “situation irrégulière”
- nahazo taratasy milaza aminao fa tsy maintsy miala any Frantsa ianao, izay fantatra amin’ny hoe “Obligation de quitter le territoire français (OQTF)”
- nolavina ny fangatahanao fialokalofana na tsy te hanohy ny dingana ianao.
Tsy maintsy mahafeno ireto fepetra manaraka ireto koa ianao:
- Tsy tokony efa nahazo “aide au retour volontaire”
- azonao porofoina fa efa nipetraka tany Frantsa enim-bolana ianao fara fahakeliny. Na izany aza, raha ny tena izy dia mety ho afaka mangataka fanafoanana ity fepetra ity ianao.
Ahoana ny hanaovana azy
Ny fangatahana dia atao mivantana amin'ny “OFII”. Azonao atao ny mahita ny antsipirian'ny ifandraisana amin'ny biraon'izy ireo eny akaikinao ao amin‘ ity tranokala ity.
Raha te hahalala bebe kokoa mikasika ny fodiana any an-tanindrazana an-tsitrapo dia azo jerena ao amin‘ny http://www.retourvolontaire.fr/ izany. Teny azo isafidianana: Frantsay, Anglisy, Arabo, Portiogey, Albaney, Armeniana, Dari, Espaniola, Zeorziana, Mandarin, Urdu, Pashto, Rosiana, Serba, Bengali, Tamil, Romaniana, Kreôla Haitiana.
Amin'ny toe-javatra sasany, ary ho an'ny firenena sasany, dia mety hahazo fanohanana hipetraka any amin'ny tanindrazanao ihany koa ianao, fantatra amin'ny anarana hoe “aide à la réinsertion” (na tohana amin’ny famerenana indray); ohatra hoe, manampy anao hanangana trano, mitady asa na manomboka orinasa. Afaka mifandray amin'ny OFII ianao raha te hahazo fampahalalana bebe kokoa momba izany.
-
“La Cimade” dia fikambanana iray mifototra manokana amin'ny fanohanana ireo mpifindra monina sy mpivezivezy rehetra, ary ireo mpitsoa-ponenana ao Frantsa, indrindra ireo olona miatrika herisetra.
- Maimaimpoana io tolotra io.
- Ho afaka hampahafantatra anao sy hanohana anao mandritra ny dingana arahina ara-panjakana mifandraika amin'ny zo ipetrahana any Frantsa, ary hitarika anao any amin'ny sampan-draharaha hafa, arakaraka ny toe-javatra misy anao manokana.
- Teny azo isafidianana: Frantsay, Anglisy ary Espaniola.
- Fifandraisana:
- raha tsy misy fotoana nalaina tany amin’ny ivontoerana akaiky anao
- amin’ny telefaonina amin’ny 01 40 08 05 34 or 06 77 82 79 09 ny alarobia 9:30 maraina hatramin’ny 1:30 hariva ary manomboka amin’ny 2:30 hariva hatramin’ny 5:30 p.m.
-
“Gisti” dia fikambanana miompana manokana momba ny torohevitra ara-dalàna ho an'ireo mpifindra monina sy mpitsoa-ponenana ao Frantsa.
- Maimaimpoana io tolotra io.
- Ho afaka hampilaza anao momba ny zonao mifandraika amin'ny zo ipetraka ara-dalana eo an-toerana izy ireo, ary hanazava ny fomba hahazoana izany.
- Fiteny misy: Frantsay no tena ampiasaina.
- Fifandraisana:
- Amin’ny telefaonina amin’ny +331 84 60 90 26 ny alatsinainy hatramin’ny zoma manomboka ny amin’ny 3 hariva hatramin’ny 6 hariva, ary koa amin’ny 10 maraina hatramin’ny 12 atoandro ny alarobia sy ny zoma. Indraindray mety be mpiantso be ao dia aza kivy. Mora kokoa indraindray ny miantso azy ireo amin‘ny harivariva .
- Amin’ny alalan’ny paositra amin’ny “Gisti, 3 villa Marcès 75011 Paris, France”. Ataovy fanontana dia fenoy ity taratasy ity ary ampidiro ao amin’ny taratasinao miaraka amin’ny dika mitovy ny antontan-taratasy izay mety ilaina. Aza adinoina ny mamaritra mazava araka izay azo atao ny fanontanianao, ao anatin'izany ny zava-drehetramety hanampy ny mpanolotsaina “Gisti” hahatakatra ny toe-javatra misy anao.
-
Ny “Associations” dia ireo fikambanana izay manome tolotra isan-karazany. Manampahaizana manokana amin‘ny fifindra-monina ny sasany.
- Maimaimpoana ireo tolotra ireo.
- Afaka mampahafantatra anao ny zonao any Frantsa izy ireo ary indraindray manohana anao amin‘ny dingana arahina raha hifindra-monina.
- Fiteny misy: Frantsay no tena ampiasaina.
- Fifandraisana: Azonao atao ny mitady izany isaky ny faritra sy ny vakim-paritra amin’ity lahatahiry ity.
Mety hahaliana anao koa
Mahazo vola haingana
Raha toa tsy manam-bola ianao na nosakanan'ny vadinao na vadinao taloha ny fahazoanao vola, dia misy…
Mangataka fanampiana ara-bola avy amin‘ny fanjakana
Betsaka ny karazana fanampiana ara-bola atolotry ny sampandraharaham-panjakana frantsay mba…