Atao azo antoka fa tsy misy manara-maso ny fitaovana elektronika sy kaontinao amin‘ny aterineto

Mandritra ny fisarahana sy aorian‘ny fisarahanareo, ny vadinao na vadinao taloha dia mety hanandrana hanara-maso ny fitaovana elektronika
sy kaontinao amin‘ny aterineto mba hahazoany mifehy anao kokoa. Mety ho tena mampatahotra izany saingy misy ny vahaolana.

Nohamarinin’i Scarlet Dawson tamin’ny 03/03/2022

Ny zavatra fantarina

Fihetsika iray mampatahotra ataona mpanao herisetra maro ny fanaraha-maso ny fitaovana elektronika sy kaonty amin‘ny aterineton‘ny vadiny na ny vadiny taloha.

Ny fitaovana tena voaara-maso matetika indrindra dia ny: 

  • telefaonina
  • solosaina 
  • tablety. 

Ny teknolojia fampiasa matetika dia ny GPS sy ny rindrambaiko mpitsikilo ny zavatra ataonao.

Ny zavatra atao

Raha mieritreritra ianao fa misy manara-maso ny fitaovana elektronika sy ny kaontinao amin‘ny aterineto, dia amporisihina ianao hanao ireto manaraka ireto.

  • Diniho izay mety ho fiovana amin‘ny fiasan‘ny fitaovanao: miadana kokoa noho ny mahazatra ve?
  • Diniho ny fihetsiky ny vadinao na ny vadinao taloha: mahalala zavatra tsy tokony ho fantany ve izy? Raha eny, mety ho fomba hafa ve no nahafantarany iazny zavatra izany?
  • Hamarino ny lisitry ny rindranasanao: Misy zavatra tsy nampidininao ve ary tsy mahazatra anao?
  • Zava-dehibe ny fitandremana satria mety ho tsapan‘ny vadinao na ny vadinao taloha fa manao izany fanovana izany ianao, indrindra raha mbola miara-mipetraka ianareo:

    • ezaho tsy ovana ny fihetsikao fa mety hahamailo azy izany
    • aza manala rindranasa na rindrambaiko fa mety hahamailo azy koa izany
    • aza simbana ilay fitaovana mampiahiahy fa azo ampiasaina ho porofo izany raha maniry hangataka fepetra fiarovana na hanao fitarainana ianao indray andro any
    • mifandraisa amin‘ny polisy na fikambanana manolotra tolotra maimaimpoana antsoina hoe “association” mba hahazoana hevitra amin’ny fomba hanombohana.

Mivoaha

Mitandrema: mety ho tsapan‘ny vadinao na ny vadinao taloha avy hatrany fa manao izany fanovana izany ianao.  

Raha ahianao fa hampitombo ny risika amin‘ny fiarovana anao izany, dia amporisihina ny hifandraisanao amin‘ny polisy na fikambanana manome tolotra maimaimpoana fantatra amin‘ny hoe "association" izay miompana amin’ny fanampina olona miatrika herisetra ao an-tokantrano. Afaka hanoro hevitra anao amin‘ny dingana arahina izy ireo.

  • Ovao daholo ny tenimiafin‘ny kaontinao ary hamarino fa tsy mifandray an-drohy amin‘ny kaontinao ny vadinao na ny vadinao taloha:

    • boaty fandraisana mailaka (oh: Gmail, Outlook, Hotmail, Yahoo)
    • tambajotra sosialy (oh: Facebook, Instagram, LinkedIn, Twitter, TikTok)
    • tolotra fanaterana sakafo (oh: Deliveroo, Uber Eats)
    • tolotra mozika (oh: Spotify, Apple Music)
    • tolotra fandefasana amin‘ny aterineto (oh: Netflix, Disney+)
    • tolotra fitaterana/taxi (oh: Uber, G7)
    • tolotra fitness (oh: Garmin)
    • fitehirizana cloud (oh: Dropbox, Google Drive, iCloud)
    • mpamatsy angovo (herinaratra, entona)
    • tolotra mombana dia (oh: Airbnb, SNCF, airlines, Booking.com)
    • tolotra momba ny dian‘ny fiara (oh: Waze, Google Maps, car GPS)
    • tolotra banky sy fitantanam-bola (oh: banky an‘aterineto, Lydia, kaonty fanaovana famindram-bola iraisam-pirenena)
    • tolotra finday (oh: Orange, SFR, Bouygues, Free)
    • lalao an‘aterineto (oh: Minecraft, Grand Theft Auto)
    • fiantsenana an‘aterineto (oh: Zalando, Amazon)
    • rindranasa hafa.

    Tsy lisitra feno io. Aorian‘ny fisarahanareo dia amporisihina ny hanamarina ianao fa efa voaovanao isaky ny mampiasa kaonty amin‘ny aterineto ny tenimiafinao.

  • Aza alefa ny fanomezan-dalana hamantatra ny toerana misy anao amin‘ny rindranasa rehetra ao amin‘ny fitaovana ampiasainao:

    • telefaonina
    • tablety
    • solosaina
    • fiara
    • fitaovana mifandray smart (fakantsary, famantaranandro, fahitalavitra, sns,).

    Rehefa amin‘ny tranga sasany, na rehefa tsy mahatsiaro ho voaaro ianao, dia amporisihina ny fividianana fitaovana vaovao raha azo atao. Aza averina amin‘ny laoniny ny fikirana tamin‘ny fitaovana nampiasainao taloha fa mety hamerina hametraka ilay rindrambaiko mpitsikilo indray izany

Mitadiava fanohanana

Any Frantsa, misy sampan-draharaha maro afaka manohana anao, manome torohevitra anao ary manampy anao amin'ny dingana tokony hatao sy ireo karazana antontan-taratasy. Tsy andoavam-bola ny ankamaroan‘izy ireo.

  • Ity tolotra fanomezana torohevitra an-telefaonina ity, dia natao ho an'ny olona miatrika herisetra maro isan-karazany sy ireo izay manohana azy ireo.

    • Maimaimpoana io tolotra io.
    • Hisy mpanolotsaina voaofana hihaino anao sy hanohana anao amin‘ny alalan‘ny telefaonina. Afaka hanoro anao ireo sampan-draharaha akaiky anao mifandraika amin'izany izy ireo.
    • Teny azo isafidianana: Frantsay. Misy ireto teny manaraka ireto indraindray: Anglisy, arabo, espaniola, tiorka, mandarin, sinoa, kiorda, azeri, poloney, hebreo, farsi, soninké, kreôla, kinyarwanda, kirundi ary swahili. Amin‘izao fotoana izao anefa aloha, dia mbola tsy voafaritra sy tsy voalamina mialoha ny fotoana ahitana ireo fiteny ireo.
    • Fifandraisana: antsoy ny 3919, amin‘ny ora rehetra sy ny andro rehetra. Tsy hiseho amin'ny faktioran-telefaoninao ny antso.
    • Ho an'ny olona marenina, manana olana amin'ny fandrenesana, olona voan'ny aphasia na manana fahasembanana amin'ny fiteny, azonao atao ny manindry ny sarina telefaonina eo amin'ny farany ambany amin‘ny havanana ao amin'ny tranonkala www.solidaritefemmes.org.
  • Ny anjara asan‘ny polisy dia miantoka ny fiarovana ny olona rehetra, na ahoana na ahoana toerana misy azy, na dia olona tsy manana zo honina eo an-toerana aza. Ny polisy iray dia ho afaka hanoro hevitra anao sy hanome fanampiana anao 24 ora isan‘andro, 7 andro isan-kerinandro. Fomba efatra lehibe no ahafahanao mifandray amin‘ny polisy:

    • Amin‘ny alalan‘ny telefaonina: antsoy ny 17, laharana tsy andoavam-bola. Teny azo isafidianana: fandikana teny amin‘ny teny rehetra.
    • Amin‘ny alalana hafatra an-tsoratra: mandefasa SMS amin‘ny teny frantsay amin‘ny 114, ka lazao mazava ny adiresinao.
    • Amin‘ny alalan‘ny aterineto: sampan-draharaha chat. Io tolotra io dia misy amin'ny teny maro samihafa.
    • Mandehana any amin’izay mety ho biraon’ny polisy, izany hoe, na “commissariat de police” izany na “brigade de gendarmerie”. Azonao jerena ato amin‘ity tranonkala ity ny biraon‘ny polisy akaiky anao indrindra. Raha tsy mahay teny frantsay ianao dia mila mitady mpandika teny ho anao izy ireo, mety ho elaela izany.
  • Ny “Associations” dia fikambanana manome tolotra isan-karazany.

    • Maimaimpoana ireo tolotra ireo.
    • Ireo tolotra misy dia miovaova arakaraka ny “association”. Afaka manome torohevitra anao izy ireo, ary indraindray afaka manampy anao amin'ny dingana tokony hatao, sy ireo antontan-taratasy ilaina.
    • Teny azo isafidianana: frantsay no tena ampiasaina.
    • Hahita lisitr'ireo "associations" akaiky anao izay mpikarakara manokana ireo niharan'ny herisetra ianao ato amin'ity lahatahiry ity, amin‘ny fisafidianana ny departemanta misy anao ao Frantsa.

Na dia natao aza ny rehetra mba hanomezana anao ny fampahalalana marina sy manaraka ny toetr‘andro indrindra dia tsy afaka manolo torohevitra ara-dalàna na matihanina akory ity pejy ity. Miova tsy tapaka ny lalàna sy ny fomba fiasa ka ilaina ny manatona olona matihanina sy tena mahay.

Mety hahaliana anao koa

Mametraka paikady fiarovana rehefa mbola miara-mipetraka

Noho ny antony samihafa dia mety ho tsy afaka miala amin‘ny vadinao na ny trano iarahanareo…

Mitatitra ny herisetra ao an-tokantrano eny anivon‘ny rafi-pitsarana frantsay

Izay rehetra niaina herisetra ao an-tokantrano eto Frantsa dia afaka mametraka fitoriana mikasika…

Mangataka ny mpitsara handrara ny vadinao taloha hanatona anao

Raha heverinao fa atahorana hiharan'ny herisetra bebe kokoa ianao sy/na ny zanakao, dia afaka…

Raha mila polisy:

Asosa mankany ambony