நகர்வதற்கும், முகவரியை மாற்றுவதற்கும் தயாராதல்
நீங்கள் ஒரு புதிய வீட்டிற்குச் செல்வதற்கு முன், நிர்வாக அதிகாரிகள்,சேவை வழங்குநர்கள் தொடர்பாக…
நீங்கள் உங்கள் முன்னாள் துணைவருடன் “bail” அல்லது குத்தகைக்கு கையெழுத்திட்டிருந்தால், நீங்கள் வீட்டை விட்டு வெளியேறினால், பிரிந்த பிறகு குத்தகையைப் புதுப்பிப்பது முக்கியமாகும். செலுத்தப்படாத வாடகைக்கு நீங்கள் பொறுப்பாவதிலிருந்து இது உங்களைத் தடுக்கும். வீட்டுத் துஷ்பிரயோகம் காரணமாக நீங்கள் தங்குமிடத்தை விட்டு வெளியேறினால், நீங்கள் வீட்டு உரிமையாளருக்கு வழங்க வேண்டிய குறைக்கப்பட்ட அறிவிப்புக் காலத்தின் மூலம் நீங்கள் பயனடையலாம்.
18/11/2022 அன்று மைட்ரே எலோடி ராமோஸ் ஆல் உறுதிப்படுத்தப்பட்டது
துரதிஷ்டவசமாக பிரான்சில், நீங்கள் திருமணமானவராகவோ அல்லது சிவில் கூட்டாண்மையாகவோ இருந்தால், உங்கள் துணைவருடன் வாழ உங்களுக்கு சட்டப்பூர்வக் கடமை உள்ளது.
உங்கள் துணைவரின் அனுமதியின்றி நீங்கள் சொத்தை விட்டுச் சென்றால், அவர்கள் சேதத்தை செலுத்தக் கோரலாம்.
இருப்பினும், வீட்டுத் துஷ்பிரயோகத்திற்கான ஆதாரங்களை வழங்குவதன் மூலம் நீங்கள் வெளியேறியதை நியாயப்படுத்தினால் இது பொருந்தாது.
கிளம்பும் முன், பாதுகாப்புக் கட்டளையின் அல்லது “ordonnance de protection” இன் ஒரு பகுதியாக உங்கள் துணைவரை வீட்டிலிருந்து வெளியேற்றும்படி நீதிபதியிடம் நீங்கள் கேட்கலாம்.
தங்குமிடம் அவர்களின் பெயரில் இருந்தாலும், அதிகபட்சம் ஒரு வாரத்திற்குள் அவர்களை வெளியேற்றிவிடலாம். இருப்பினும், அதிலிருந்து வாடகை, தங்குமிட செலவுகளை நீங்கள் செலுத்த வேண்டும்.
நீதிபதியின் முடிவு நிலுவையில் இருந்தால், உங்களுக்கும் உங்கள் பிள்ளைகளுக்கும் அவசரநிலை தங்குமிடத்திற்கான தெரிவுகள் உள்ளன.
நீங்கள் வெளியேற முடிவு செய்தால், துஷ்பிரயோகத்தையும் நீங்கள் வீட்டை விட்டு வெளியேறியதையும் புகாரளிக்க பரிந்துரைக்கப்படுகிறது:
“bail” இல் கையெழுத்திட்ட குத்தகைதாரர்களில் ஒருவர் வெளியேறினால், இந்த மாற்றம் குறித்து வீட்டு உரிமையாளருக்குத் தெரிவிக்க வேண்டியது அவசியமாகும்.
பின்னர், இந்த வழிமுறைகளைப் பின்பற்றவும்:
ஒப்பந்தத்தில் இருந்து விலக்கப்பட வேண்டிய நபர் கோரிக்கையில் கையெழுத்திடப்படவில்லை என்றால், சில நேரங்களில் வீட்டு உரிமையாளர் “bail””ஐ மாற்ற மறுக்கலாம்.
உங்கள் முன்னாள் துணைவர் சொத்தை விட்டுவிட்டு கையொப்பமிட மறுத்தால், உங்களின் “bail” இற்குச் சேர்ப்புத் தொகையைப் பெற நீதிபதியின் முடிவு தேவைப்படலாம். உதாரணமாக, நீங்கள் ஒரு பாதுகாப்பு கட்டளை அல்லது “ordonnance de protection” மூலம் பயனடைந்தால்,குத்தகையை மாற்றியமைக்க நீதிபதி கையொப்பமிட்ட ஆவணத்தை நீங்கள் வழங்கலாம்.
குத்தகைக்கு “avenant” ஐ வழங்க உங்கள் வீட்டு உரிமையாளர் மறுத்து, நீங்கள் நீதிமன்றத் தீர்ப்பைப் பெற வேண்டும் என்றால், ஒரு வழக்கறிஞரை பணியமர்த்துமாறு மிகவும் பரிந்துரைக்கப்படுகிறது.
நீங்கள் வீட்டிற்குள் நுழைந்தபோது , வைப்பு அல்லது “dépôt de garantie” என அழைக்கப்படும் ஒரு தொகையை நீங்கள் செலுத்தியிருக்கலாம்.
பொதுவாக, “bail” முடிவடையும் போது மட்டுமே நில உரிமையாளர் இந்தத் தொகையைத் திருப்பித் தருவார்.
உங்கள் முன்னாள் துணைவர் வீட்டில் தங்கினால், இந்தப் பணத்தை உடனடியாக உங்களால் திரும்பப் பெற முடியாமல் போகலாம்.
உங்கள் முன்னாள் துணைவர் தங்குமிடத்தை விட்டு வெளியேறும்போது உங்கள் வைப்புத்தொகையின் பங்கை அல்லது “dépôt de garantie” ஐ உறுதிசெய்ய வீட்டு உரிமையாளருக்கு எழுத்துப்பூர்வமாக நிலைமையை அறிவிக்கவும்.
குத்தகை ஒப்பந்தம் அல்லது “bail” முடிவடைவதைப் பற்றி உங்கள் வீட்டு உரிமையாளருக்குத் தெரிவிக்கும் தருணத்திற்கும் அது உண்மையில் நிறுத்தப்படும் தருணத்திற்கும் இடையில் அவதானிக்க உங்களுக்குச் சட்டப்பூர்வ காலம் உள்ளது.
இந்த காலம் அறிவிப்புக் காலம் அல்லது “délai de préavis” எனக் குறிப்பிடப்படுகிறது.
இது பொதுவாக மூன்று மாதங்களாகும், ஆனால் பின்வரும் சூழ்நிலைகளில் ஒரு மாதமாக குறைக்கப்படுகிறது:
இந்தச் சூழ்நிலைகளில் எதிலும் நீங்கள் இல்லை என்றால், நீங்கள் விரும்பினால், வீட்டு உரிமையாளருடன் குறுகிய அறிவிப்பு காலத்திற்கான பேச்சுவார்த்தையை நடத்த முயற்சி செய்யலாம். இதன் மூலம் மூன்று மாதங்களுக்கு வாடகையை செலுத்தாமல் விரைவாக வெளியேற முடியும்.
“bail” (டெம்ப்ளேட்) ஐ நிறுத்துவதற்கு இரு குத்தகைதாரர்களாலும் கையொப்பமிடப்பட்ட ஒரு கடிதத்தை நீங்கள் வீட்டு உரிமையாளருக்கு அனுப்ப வேண்டும்.
உங்களுக்குப் பொருந்தும் அறிவிப்புக் காலம் அல்லது “délai de préavis”, ஒரு மாதத்திற்கான குறுகிய அறிவிப்புக் காலத்திற்கு நீங்கள் தகுதியுள்ளவரா என்பதை உறுதிப்படுத்தவும்.
“lettre recommandée avec accusé de réception” அல்லது கடிதத்தின் விநியோகம் பதிவு செய்யப்பட்டு, பதிவுத் தபால் மூலம் அனுப்பப்பட வேண்டும் உங்கள் கடிதம் பெறப்பட்டதை நிரூபிக்கக் கூடியஒரே வழி இதுவாகும். பற்றுச்சீட்டைத் தபாலின் சான்றாக வைத்துக் கொள்ளவும்.
“ADIL” சேவைகள் என்பது மக்களுக்கு அவர்களின் வீட்டு உரிமை, அவர்களுக்கு இருக்கும் தீர்வுகள் பற்றி தெரிவிக்கும் உள்ளூர் ஏஜென்சிகள் ஆகும்
சமூக சேவகர்கள் அல்லது “travailleurs sociaux” மற்றும் “assistants sociaux” என்பவர்கள், மக்களுக்கு அவர்களின் நிர்வாக நடைமுறைகளில் ஆதரவளித்து, அவர்கள் எதிர்கொள்ளும் சிரமங்களுக்கு ஏற்ப தீர்வுகளைக் கண்டறிய உதவும் தொழில் வல்லுநர்கள் ஆவர்.
"PIMMS Médiation” என்பது பல பகுதிகளில் நிர்வாக நடைமுறைகளை தெரிவிக்கின்ற, வழிகாட்டுகின்ற அல்லது ஆதரிக்கின்ற அமைப்புகளாகும்: பொதுச் சேவைகளுக்கான அணுகல், உடல்நலக் கவனிப்பிற்கான அணுகல், மாநில நிதி உதவிக்கான விண்ணப்பங்கள், வரி அறிவிப்புகள், “Pôle Emploi” இற்கான அறிவிப்புகள் போன்றவை.
நகர்வதற்கும், முகவரியை மாற்றுவதற்கும் தயாராதல்
நீங்கள் ஒரு புதிய வீட்டிற்குச் செல்வதற்கு முன், நிர்வாக அதிகாரிகள்,சேவை வழங்குநர்கள் தொடர்பாக…
பிரான்சில் தனியார் வீடுகளை வாடகைக்கு எடுத்தல்
பிரான்சில், தனியார் வீடுகளை வாடகைக்கு எடுப்பது, தங்குமிடத்தைக் கண்டுபிடிப்பதற்கான ஒப்பீட்டளவில்…
பிரான்சில் சமூக வீட்டுவசதி, மலிவு விலை வீடுகளுக்கு விண்ணப்பித்தல்
உங்களிடம் குறைந்த நிதி வளங்கள் இருந்தால், சமூக வீட்டு வசதி அல்லது “HLM” அல்லது “logement social”,…